Jeremia 38:10 - O Debleskro Drom 2021 (Sinte)

¹⁰ Kote penas o baro rai Zedekja ap o Ebed-Melech: Le triin murshen tuha un tserde les dran koi brunna win, te merell lo gar.

O Debleskro Lab 2024 (Sinte-Manouche)

¹⁰ Kote penas o baro ray Sedekya ap o Ebed-Melek: Le triin morshen touha oun tserde les dran koy brounna vin, te merell lo gar.

Jeremia 38:10 ပူးပေါင်းရင်းမြစ်များ

Ester 5:2

Un har dikas o baro rai i rani Ester tardo ap koi platsa, dikas lo latches ap late, un sikras o sonakaskro raneha, hoi an leskro wast hi, ap late. Kote was i Ester pash leste un tapras o glanstuno kotar ko ranestar peskre gushtentsa an.

Ester 8:7

Kote penas o baro rai Ahasveros ap i rani Ester un ap o Mordekai, ko biboldo: “Djinenn, o Hamaneskro kheer dom i Esterate, te well lo lakro. Un les mukom ap ko kasht pre te bladell doleske, kai kamas lo i bibolden te marell.

Debleskri gili 75:10

Me kamau o Deblestar te rakrell hako tsiro. Un leske, ko Jakobeskro Debleske, giwau un bashrau.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jeremia 38:11

Un o Ebed-Melech las kol murshen peha un djas an o baro rajeskro kheer, kote kai i ripja garedo hi, un las kotar phure kotja plachte, un pandas len ap i dori, un mukas len tele pash o Jeremia an koi brunna.

Jeremia 38:7

An o baro rajeskro kheer his i pralstuno dran o them Etiopia. Leskro lab his Ebed-Melech. Kowa shunas, kai o Jeremia an koi brunna witsedo was. Ap ko diwes his o baro rai Zedekja beshdo pash ko Benjamineskro Wudar.

Jeremia 38:9

Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.