Jeremia 37:7 - O Debleskro Drom 2021 (Sinte)

⁷ Kowa penell o baro Dewel, kai o Israeleskro Dewel hi: Pen o baro rajeske dran o them Juda, kowa kai bitchras tumen pash mande, te putchenn man: Kol lurde o Faraestar, kai djan win dran pengro them, te wenn le ap tumari rig, kolla djan pale khere an o them Egiptia.

O Debleskro Lab 2024 (Sinte-Manouche)

⁷ Kova penell o baro Devel, kay o Israeleskro Devel hi: Pen o baro rayeske dran o them Youda, kova kay bičras t'men pash mande, te poučenn man: Kol lourde o Faraestar, kay djan vin dran pengro them, te venn le ap t'mari rig, kolla djan pale khere an o them Egiptia.

Jeremia 37:7 ပူးပေါင်းရင်းမြစ်များ

2. Rajengro liil 22:18

Ko baro rajeske pral o them Juda, kowa kai tumen pash mande bitchras, te putchenn o baro Debles, nai penenn: Kawa penell o baro Dewel, ko Dewel pral o Israel: “Tu shunal kol laba an kau liil.

2. Rajengro liil 24:7

Un o baro rai pral o them Egiptia djas buder gar dran peskro them win. O baro rai pral o them Babilonia las leske halauter krik, hoi lo peske dren las: o tselo them mank o them Egiptia un o pani Eufrat.

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Jesaja 30:7

Kowa lauter hi tchitcheske. Hoi i Egiptarja nai krenn, hi tchi moldo. Doleske penau ap o them Egiptia: Tu hal i Rahab, kai atchell beshdo un krell tchi.

Jesaja 36:6

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia, lauterenge, kai leske patsenna.

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jeremia 2:37

O tsiro wella, kai djah tu kotar krik, un deh tire wasta pral o shero khetne i ladjatar; o baro Dewel kamell tchi lendar te djinell, ap konende tiro dji tchiwal, un lentsa hi tut kek bacht.

Jeremia 21:1

O baro rai Zedekja bitchras dui murshen pash o Jeremia. Ko jek his o Pashur, koleskro dad o Malkija his, un ko wawar his o rashai Zefanja, koleskro dad o Maaseja his. Un o Zedekja mukas leske te penell:

Jeremia 21:2

“O Nebukadnezar, ko baro rai pral Babilonia was, te kurell lo pes mentsa, un hi peskre lurdentsa trul o foro Jerusalem tardo. Mange menge o baro Deblestar! Te kamell job, nai well lo menge peskri bari sorjah ap i rig, har job kowa budeder kope kras, jaake te hunte tserdell pes o Nebukadnezar pale.”

Jeremia 37:3

Un o baro rai Zedekja bitchras o Juchal, koleskro dad o Shelemja his, ninna o rashajes Zefanja, koleskro dad o Maaseja his, pash o Jeremia un mukas leske te penell: Mange maro baro Debles menge, i Israelitarja!

Jeremia 37:5

An ko tsiro djan i lurde o Faraestar dran o them Egiptia win. Har o Babilonarja, kai glan o foro Jerusalem pre tardo his, kowa shunan, tserdan le pen pale dran o foro Jerusalem.

Jeremia 37:6

Un kote penas o baro Dewel ap peskro rakepaskro, o Jeremia:

Ropaskre gilja 1:7

An kau tsiro, kai i menshenge dran Jerusalem djungeles djal, un jon kate te kote tradedo hi, well lenge ko bud latcho koowa an o shero, hoi len an o phuro tsiro his. Har jon an i wasta kol tchilatchendar peran, was lenge kek ap i rig. Kol wawar menshe dikan ap lende tele, un san, har o foro tele djas.

Ropaskre gilja 4:17

Pale te pale dikan mare jaka pen trujel pal jekeste, kai menge ap i rig well. Un kek was. Ko them, ap koleste dikam, nai las men gar dran i bibacht win.

Ezekiel 17:17

Un o Farao peskre bud lurdentsa well witar gar ap leskri rig, ap ko tsiro, kai hunte kurell lo pes. I Babilonarja wenna, un tchiwenn bud tchik pre win trul o foreskri massuri, te nai djan le koi pral ap o foreskri massuri pre. Un jon krenn turme, te denn le karje tele an o foro, jaake te marenn le bud menshen.

Ezekiel 29:16

Jon wenn gar buder kolla, pash kolende i Israelitarja nashenn un lendar putchenn, te wenn le lenge ap i rig. Har le kowa kran, anan le bari doosh ap pende. Kowa hunte bistrenn le gar. Palle dikenn un haiwenn le, te hom me o baro Dewel, lengro rai.

Ezekiel 30:22

Un pale penas o baro Dewel, maro rai: Miri choli well ap o Farao, ko rajeste pral o them Egiptia. Me phagau leskre mussja, koi sasti mussi un koi phagedi, un krau, te hunte mukell lo o charo te perell.