Jeremia 37:21 - O Debleskro Drom 2021 (Sinte)

²¹ Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

O Debleskro Lab 2024 (Sinte-Manouche)

²¹ Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Jeremia 37:21 ပူးပေါင်းရင်းမြစ်များ

2. Rajengro liil 25:3

Ap o enjato diwes an o starto tchon was i bok bares an o foro, un i menshen his buder tchi te chal.

Hiob 5:20

Te hi bari bok an o them, mukell lo tut gar te merell. Un an o kurepen mukell lo tut gar i chareha te marell.

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jesaja 33:16

sawe menshe djiwenn palle an o pralstunepen, an i berge hi lengro khatepen. Un len hi doha chapen un pipen.

Jeremia 20:2

das lo les, un pandas leskre herja an i kotar kasht pash o wudar, hoi kharell Benjamineskro Wudar, un hi pash o baro Debleskro kheer.

Jeremia 32:2

An ko tsiro his i lurde o baro rajestar dran o them Babilonia trul o foro Jerusalem tardo. Un o Debleskro rakepaskro, o Jeremia, was pandles ap i lurdengri platsa rikedo. Koi platsa his pash o kheer o baro rajestar pral o them Juda tchiddo.

Jeremia 32:8

Un jaake har o baro Dewel mange penas, was o Hanamel, – kowa his miro nebudo – pash mande ap i lurdengri platsa, un rakras mantsa un penas: Gin tuke miro kotar them, hoi pash o foro Anatot an o them Benjamin tchiddo hi; tu hal o ersto mank mare menshende, kai hunte ginell les mandar. Gin tu ko kotar them! Kote haiwom, kai kau lab o baro Deblestar was.

Jeremia 33:1

Un o baro Dewel penas ap o Jeremia o duito kopo, har lo ap i lurdengri platsa stildo his:

Jeremia 38:13

Un jon tserdan les kol dorjentsa pre dran koi brunna. Un job atchas ap i lurdengri platsa.

Jeremia 38:28

Un o Jeremia atchas ap koi lurdengri platsa bis ap ko diwes, kai o foro Jerusalem dren lino was.

Jeremia 38:6

Kote lan le o Jeremijes un anan les pash i brunna ap koi lurdengri platsa. Koi brunna his o baro rajeskro tchawes, o Malkija. Un dorjentsa mukan le o Jeremijes tele an kai brunna. Kote dren his kek pani, kokres sapeni tchik his kote, un o Jeremia peras i kotar dren an koi tchik.

Jeremia 38:9

Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.

Jeremia 52:6

Ap o enjato diwes an o starto tchon was i bok bares an o foro, un i menshen his buder tchi te chal.

Ropaskre gilja 5:10

Har te hams an i bob, chatchell mari hauta koi bari bokatar.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Bičepangre 12:5

Har o Petro an o stilepen his, mangan i tsele patsle pengro tselo djijeha o Debles leske ap i rati un ap o diwes.

Bičepangre 24:27

Har dui bersha trujel his, was o Festo Porcio an o foro Cesarea, un kras kanna koi budi, hoi o Felix glan leste kras. O Felix kamas tchomone te krell, hoi his mishto an i biboldengre jaka. Doleske mukas lo o Paules an o stilepen.

Bičepangre 28:16

Har wam an o foro Rom dren, nai las peske o Paulo i isema an i kertchima. Un i lurdo das garda ap leste.

Bičepangre 28:30

O Paulo atchas dui bersha an peskri isema, hoi job peskre lowentsa plaissras, un las lauteren pash peste pre, kai wan pash leste.

Efesarja 4:1

Me hom an o stilepen o Jesuseske, maro rajeske, un mangau tumen o djijestar, te djiwenn tumer tumaro djipen har sawe menshe, kolen o Dewel peske khetne gole das.

Efesarja 6:20

Koi budi das man o Jesus Kristo. Doleske hom me kanna stildo. Awa, mangenn o Debles mange, te darap gar un rakrap jaake, har miri budi hi.

2. Timoteo 1:8

Ma ladj tut, te rakress tu maro rajestar, o Jesusestar! Ma ladj tut mange, ninna te hom me kanna leske an o stilepen! Na-a, rake maro rajestar, ninna te wenn duka ap tute, jaake har me lau duka ap mande, te well o latcho lab o Jesusestar penlo. O Dewel dell tut i soor.

2. Timoteo 2:9

Koleske lau duka ap mande. Jon pandan man an o stilepen, har te woms i marepaskro. Ninna te pandan le man an o stilepen, nai pandenn jon gar o Debleskro lab.