Jeremia 37:2 - O Debleskro Drom 2021 (Sinte)

² O Zedekja un i pralstune trul leste un kol wawar menshe an o them shunan gar ap i laba, hoi o baro Dewel ap peskro rakepaskro, o Jeremia, penas, te penell lo len lenge dureder.

O Debleskro Lab 2024 (Sinte-Manouche)

² O Sedekya oun i pralstoune troul leste oun kol vavar menshe an o them shounan gar ap i laba, hoy o baro Devel ap peskro rakepaskro, o Yeremia, penas, te penell lo len lenge doureder.

Jeremia 37:2 ပူးပေါင်းရင်းမြစ်များ

2. Samuel 10:2

Koi penas o David: “Me kamau o tchaweha o Nahashestar, o Hanun, maal te well, jaake har leskro dad miro maal his.” Un o David bitchras murshen koi, un mukas leske lendar kamle laba te penell pral leskro dadeste, te well leske gar buder ropaske. Har kanna kolla, kai o David bitchras, an ko them Ammon wan,

2. Samuel 12:25

un mukas peskro rakepaskro Natan o Davideske kowa te penell. Doleske das o Natan les ko lab Jedidja. Kowa kharell: O baro Dewel kamell les.

1. Rajengro liil 14:18

Un jon paskran les, un i tsele Israelitarja rowan pral leste. Jaake wan kol laba tchatcho, hoi o baro Dewel peskro rakepaskres, o Achija, kai leske koi his, an o mui tchiwas.

1. Rajengro liil 16:7

Kowa, hoi penas o baro Dewel ap peskro rakepaskro, o Jehu, kol laba pral o Baasha, kowa was pral koleste dran ko tselo tchilatchepen, hoi o Baasha kras glan o baro Debleste. Job kras peske mule debla, un kolentsa choiras job o baro Debles. Ninna mukas job i tsele tchawen o Jerobeamestar te marell. Doleske djas leske har koleskri familja.

2. Familjakro liil 36:11

Biish-te-jek (21) bersh his o Zedekja, har lo baro rai was; un deesh-te-jek (11) bersha his lo baro rai an o foro Jerusalem.

2. Mose 4:13

Koi penas o Mose: “Miro rai, mangau tut, bitche jek wawares!”

Gosewe laba 26:6

Kowa, kai i dinelo bitchepaskres bitchrell, kowa hi har jek, kai dell peske kokres i herja tele un chal dawa.

Gosewe laba 29:12

I rai, kai ap chochene laba shunella, koleskre budepangre wenn lauter chochene.

Jeremia 34:2

Koi penas o baro Dewel, kai o Israeleskro Dewel hi, ap o Jeremia: Dja pash o Zedekja, ko rajeste pral o them Juda, un pen leske: Kowa penell o baro Dewel: Me dau kau foro an o wast o baro rajestar dran o them Babilonia, un job chatchrell les tele.

Ezekiel 21:25

Ko jek djal an o foro Rabba, kai i Ammonarja djiwenn, ko wawar an o sorelo foro Jerusalem an o them Juda. Jaake sikreh tu kol dromma, ap kolende o baro rai nai well peskre lurdentsa.

Hosea 12:10

Me, o baro Dewel, hom tiro Dewel fun ko tsiro, kai anom tut dran o them Egiptia. Me mukau tut pale an plachtene khera te djiwell, har an ko tsiro, har homs pash tute an o mulo tato them.

3. Mose 8:36

O Aron un leskre mursh tchawe kran lauter jaake, hoi o baro Dewel ap o Moseste penas.

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.