Jeremia 36:4 - O Debleskro Drom 2021 (Sinte)

⁴ Koi kharas o Jeremia o murshes, koleskro lab Baruch hi. Leskro dad his o Nerija. Un o Baruch tchinas i tsele laba pre, hoi o baro Dewel ap o Jeremia penas, jaake har o Jeremia leske kowa penas.

O Debleskro Lab 2024 (Sinte-Manouche)

⁴ Koy kharas o Yeremia o morshes, koleskro lab Barouk hi. Leskro dad his o Neriya. Oun o Barouk činas i tsele laba pre, hoy o baro Devel ap o Yeremia penas, yaake har o Yeremia leske kova penas.

Jeremia 36:4 ပူးပေါင်းရင်းမြစ်များ

Jesaja 30:8

Mange penas o baro Dewel: Dja tu kanna koi, un tchin kal laba an i bar glan i jaka kal menshendar, awa, tchin len an i liil, te wenn le i sikepen, hoi atchell o tsireske, hoi wella.

Jesaja 8:1

Un o baro Dewel penas ap mande: “Le tuke tchomone, kai nai tchineh laba pre, un tchin an i latcho tchinepen jaake, te nai drawerell hakeno kol laba ‘Sik-randedo un sik-tchoredo’.”

Jeremia 25:13

Me mukau mire tsele laba tchatcho te well, hoi penom pral kau them, lauter hoi an kau liil tchinlo hi, hoi o Jeremia glan-wi penas pral i tsele natsjone.

Jeremia 30:2

O baro Dewel, kai o Israeleskro Dewel hi, penas ap leste: Tchin tuke halauter, hoi tuke penom, an i liil!

Jeremia 32:12

un dom hake dui lila o mursheste Baruch. Koleskro dad his o Nerija, koleskro dad his o Machseja. Koi pashel his miro nebudo, o Hanamel, un kol mursha kai kowa halauter dikan, un kai tel o ginepaskro liil pengro labeha tardo his, ninna i tsele mursha dran Juda, kai ap i lurdengri platsa his.

Jeremia 36:14

Kote bitchran kol pralstune i murshes, kai kharas Jehudi, pash o Baruch. O Jehudi his i tchawo o Netanjestar, leskro papo his o Shelemja un koleskro dad o Kushi. – O Jehudi penas ap o Baruch: An ko liil, dran koleste glan draweral, pash i pralstunende! Un o Baruch, koleskro dad o Nerija his, las ko liil peha un djas pash lende.

Jeremia 36:21

O baro rai bitchras o Jehudes, te anell lo o liil. Job las les dran i isema ko murshestar Elishama un draweras o baro rajeske glan, ninna kol pralstunenge, kai pash leste his.

Jeremia 36:23

Les hi i tchuri an o wast un hako kopo, har draweras o Jehudi triin te star kotja, tchinas o baro rai len i tchurjeha tele un witsras len an i jag, bis te his o tselo liil pre chatchedo.

Jeremia 36:26

Job penas ap peskro tchaweste, o Jerachmeel un ap o Seraja, koleskro dad o Asrijel his, un ap o Shelemja, koleskro dad o Abdeel his, te tapenn le o tchinepaskres, o Baruch, un o Debleskro rakepaskres, o Jeremia. Kolen khatras o baro Dewel. Doleske hatsan le len gar.

Jeremia 36:27

Har chatchras o baro rai Jojakim ko liil, penas o baro Dewel ap o Jeremia:

Jeremia 36:28

Le i newo liil un muk halauter dren te tchinell, hoi an o phuro liil tchinlo his!

Jeremia 36:32

Koi las o Jeremia i newo liil un das les o Baruches, ko tchinepaskres, koleskro dad o Nerija his. Un o Baruch tchinas kol tsele laba pre, hoi o Jeremia leske glan penas, kol laba, hoi an o ersto liil tardo his, hoi o Jojakim, ko baro rai pral Juda an i jag witsras. Un bud wawar laba, hoi jaake har kolla his, wan koi pashel tchinlo.

Jeremia 36:6

Doleske dja tu koi ap ko diwes, kai chan le tchi o Debleske. Un drawe kol laba an ko liil glan i menshende, kai an o baro Debleskro kheer hi, ninna glan kolende dran Juda, kai dran pengre forja kote wenn.

Jeremia 43:3

O Baruch, koleskro dad o Nerija hi, kowa rakras an tute dren, te penal sawo koowa. Job kamell, te peras an o wast i lurdendar dran Babilonia, te marenn le men oder te anenn men pandles an o them Babilonia.

Jeremia 51:59

Kal tsele laba, kai penenn, hawi bibacht pral o foro Babilon well, tchinas o Debleskro rakepaskro, o Jeremia, an i liil. Kau liil das lo i mursheste, kowa kharas Seraja. Leskro dad his o Nerija, koleskro dad his o Machseja. Kowa his an ko tsiro, har o Zedekja an o starto bersh baro rai pral o them Juda his, un an o foro Babilon djas. O Seraja djas leha. Un an leskro wast his, te dikell lo, kai lauter mishto djas ap o drom.

Ezekiel 2:9

Un me dikom i wast, hoi his win rikedo ap mande. Un an ko wast his i liil, hoi khetne lino his.

Daniel 7:1

An ko tsiro, har o Belsazar an o ersto bersh o baro rai his pral o them Babilonia, dikas o Daniel i dikepen an i suni, har his lo tchiddo ap peskro tchiben. Un job tchinas an i liil, hoi dikas lo. Un kawa hi koi suni:

Zakarie 5:1

Me dikom pale pre un dikom i liil, hoi djas an i lufta.

Remarja 16:22

Me, o Tertio, tchinom an kau liil kowa, hoi o Paulo mange penas, un me penau tumenge ninna latche laba.