Jeremia 36:3 - O Debleskro Drom 2021 (Sinte)

³ Te shunenn i menshe dran Juda, hawi bibacht kamau pral lende te anell, nai well, te mukenn le pengro tchilatcho drom un wenn pale pash mande, te nai lap lengri doosh un lengro tchilatchepen lendar krik.

O Debleskro Lab 2024 (Sinte-Manouche)

³ Te shounenn i menshe dran Youda, havi bibarht kamau pral lende te anell, nay vell, te moukenn le pengro čilačo drom oun venn pale pash mande, te nay lap lengri doosh oun lengro čilačepen lendar krik.

Jeremia 36:3 ပူးပေါင်းရင်းမြစ်များ

Nehemia 1:9

Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

Debleskri gili 139:24

Un te dikeh, te hom ap i drom, hoi tutar krik djala, palle ab un le man pale ap ko drom, hoi pash tute djala!

Jesaja 6:10

Rake lentsa, ninna te pandenn le pengre djia, un krenn pengre kanda kashteno, un pengre jaka pandlo. Te dikans le pengre jakentsa, un shunans pengre kandentsa, un haiwans pengre djijentsa, mukans le pengro tchilatcho drom un wans pash mande, un me kroms len sasto.

Jeremia 18:11

Un kanna Jeremia, pen kol menshenge an Juda un kolenge, kai djiwenn an Jerusalem: Kowa penell o baro Dewel: Djinenn, man hi an o dji, te dap tumen i phagi, un kamau bibacht pral tumende te anell. Doleske djan tele hakeno peskro tchilatcho dromestar! Un djiwenn i wawar djipen!

Jeremia 18:8

Te mukenn jon palle pengro tchilatcho koowa, khaitell man kowa, kai dom len trad, te well bibacht pral lende.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

Jeremia 26:3

Te peneh lenge halauter, nai well, te denn le jak ap kowa, un djan tele hakeno peskro tchilatcho dromestar. Palle rikrau man tele, te anap koi bibacht pral lende, hoi kamom ap lende te anell ko tchilatchepaske, hoi jon kran.

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Jeremia 36:7

Nai well, te mukenn le pengro tchilatcho drom un mangenn pen tele glan o baro Debleste un wenn pale ap leskro drom. Palle nai rikrell o baro Dewel peskri bari choli pale, hoi les ap kal menshende hi, un hunte dell len gar koi phari phagi, kolah lo len trad das.

Ezekiel 12:3

Tu mensho, le tire koola khetne, har te wals jek, kai hunte djal an o pandepen. Un kre tut pral o diwes ap o drom, te nai dikenn kowa halauter. Glan lengre jaka djas tu kote win, kai khere hals, un djas ap i wawar platsa. Jaake te nai wals, te djal lenge i jaka pre – kolenge, kai mukenn pen tchi te penell.

Ezekiel 18:23

Patsenn tumer, an mire jaka wals mishto, te merell kowa, kai tchilatcho koowa kras? putchell o baro Dewel, maro rai. Na-a, an mire jaka hi shukar, te mukell lo peskro tchilatcho drom un atchell djido.

Zefanja 2:3

Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

Mateo 13:15

O Dewel penas: Kalla menshe kamenn gar te haiwell, hoi shunenn le. Jon kamenn gar te shunenn, hoi me penau. Witar gar kamenn le te dikell, hoi tchatcho hi. Te kamans le kowa te dikell, shunans le. Un te shunans le, haiwans le, un wans pash mande. Un me nai kroms len sasto.

Markus 4:12

te nai dikenn le kowa pengre jakentsa, un haiwenn les gar, un te nai shunenn le les, un haiwenn les gar, te wenn le gar pash o Debleste, te lell lo lengri doosh lendar.

Louka 20:13

Kanna penas o rai pral o drakengro them ap peste: Hoi krap? Me bitchrau miro tchawes, koles, kai me kamau o tselo djijeha. Koles witsrenn jon gar win.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Bičepangre 28:27

Kol menshengre djia hi har bar, un lengre kandentsa shunenn jon tchi. Lengre jaka hi pandlo, te nai dikenn jon tchi. Jon kamenn pengre jakentsa tchi te dikell, un pengre kandentsa tchi te shunell. Un pengro djijeha kamenn le tchi te haiwell. Jon kamenn gar pengro phuro djipen te mukell, un ap miro drom te djal. Doleske nai lau len gar dran o tchilatchepen win. ”

Bičepangre 3:19

Mukenn tumaro phuro djipen un awenn pash o Debleste, te lell job tumari doosh tumendar!

5. Mose 30:2

Te djan tumer palle pale pash tumaro baro Debleste, tumer un tumare tchawe, un shunenn ap leste tumaro tselo djijestar un tumari tseli sorjah an halauter, hoi me tumenge kau diwes penom,

5. Mose 30:8

Un tumer djan pale ap o baro Debleskro drom un shunenn ap leste un rikrenn tumen ap kol tsele laba, hoi tumenge kau diwes penom.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

2. Petro 3:9

Hi menshe, kai penenna: “O rai Jesus lell pes bud tsiro, te well lo pale.” Kowa hi gar tchatcho. Les hi i baro dji tumenge, un kamell, te djal kek tumendar nashedo. Job kamella, te mukell hakeno peskro tchilatcho drom un well ap o Debleskro drom.

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”