Jeremia 36:26 - O Debleskro Drom 2021 (Sinte)

²⁶ Job penas ap peskro tchaweste, o Jerachmeel un ap o Seraja, koleskro dad o Asrijel his, un ap o Shelemja, koleskro dad o Abdeel his, te tapenn le o tchinepaskres, o Baruch, un o Debleskro rakepaskres, o Jeremia. Kolen khatras o baro Dewel. Doleske hatsan le len gar.

O Debleskro Lab 2024 (Sinte-Manouche)

²⁶ Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 36:26 ပူးပေါင်းရင်းမြစ်များ

1. Rajengro liil 17:3

“Dja tuke kate krik! Dja kote, kai o kham pre djal, un khate tut pash o tikno pani Krit, kowa, kai nashell an o pani Jordan dren!

1. Rajengro liil 17:9

“Kre tut ap o drom un dja an o foro Zarpat, ko hi pash Sidon tchiddo, un atch kote! Me penom kote i djuwjake, kolakro rom meras, te dell li tut chapen un pipen.”

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:14

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 22:26

Kote penas o rai pral Israel: “Lenn o Micha un anenn les pash ko pralstuneste pral o foro, o Amon, un pash miro tchaweste, o Joash,

2. Rajengro liil 11:2

Kowa shunas i tchai o baro rajestar Joram. Lakro lab hi Josheba. Un lakro phraal his o Ahasja. Koja tchoras peskro phraleskro tchawes, o Joash, mashkral dran o rajeskre tchawende, kai wenn marede. Un anas les un koi djuwel, kai das ap leste garda, an i tchibjengri isema un khatras les glan i Atalja. Un jaake nai was lo gar maredo.

2. Familjakro liil 18:26

un pen lenge: Kawa penell o baro rai: “Tchiwenn koles an o stilepen, un denn les gar bud maro te chal, un gar bud pani te pijell, bis te wau me sasto dran o kurepen pale.”

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Debleskri gili 121:8

O baro Dewel rikrell peskre wasta pral tute ap tire tsele dromma, kote kai weh un kote kai djah kanna un hako tsiro.

Debleskri gili 27:5

An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

Debleskri gili 32:7

Pash tute nai khatrau me man, glan kowa, hoi mange daar krell. Doleske sharau tut i bachtelo djijeha pral kowa, har tu man win lal dran i bibacht.

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Debleskri gili 64:2

Miro Dewel, shun har ap tute rowau. Man hi daar glan kolende, kai kamenn man te marell. De jak ap miro djipen!

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

Jesaja 26:20

Tumer, mire menshe, djan an tumare khera! Pandenn i wudja pal tumende! Khatrenn tumen i tikno tsiro, bis te i choli trujel hi.

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 26:24

Pral o Jeremijes rikras o Ahikam peskro wast. Koleskro dad his o Shafan. O Ahikam mukas les gar an i wasta kol menshendar te dell, kai kaman les te marell.

Jeremia 36:19

Koi penan kol pralstune ap leste: Tu un o Jeremia, tumer hunte khatrenn tumen, te djinell kek, kai han!

Jeremia 36:5

Palle penas o Jeremia ap leste: Mange was penlo, te djap buder gar an o baro Debleskro kheer.

Jeremia 38:6

Kote lan le o Jeremijes un anan les pash i brunna ap koi lurdengri platsa. Koi brunna his o baro rajeskro tchawes, o Malkija. Un dorjentsa mukan le o Jeremijes tele an kai brunna. Kote dren his kek pani, kokres sapeni tchik his kote, un o Jeremia peras i kotar dren an koi tchik.

Johanni 11:57

Kol bare rashaja un kol Farisarja penan, te djinell jek, kai job hi, hunte penell job les, te taprenn jon les nai.

Johanni 7:32

I Farisarja shunan, hoi kol menshe pral o Jesuseste rakran. Un i Farisarja un i bare rashaja bitchran klisten, te taprenn le o Jesuses.

Johanni 8:20

Har job kawa penas, his job an o Debleskro baro kheer, kote, kai i pirja tardo his, kai i menshe lowe o Debleske dren tchiwan. Kote penas job i menshenge o Debleskro lab. Un kek tapras les. I tsiro his leske kanna gar koi.

Johanni 8:59

Koi hadan jon barra pre, te witsrenn le kolla ap leste. Un job khatras pes, un djas dran o Debleskro baro kheer win.

Bičepangre 12:11

Kanna djinas o Petro, kai kowa kek suni his, un job penas: “Kanna djinau tchatchepah, kai bitchras o rai Jesus peskro bolepaskres mange. Un kowa las man dran o Herodeskre wasta win, ninna dran halauter, hoi kaman i bibolde mantsa te krell.”