Jeremia 36:2 - O Debleskro Drom 2021 (Sinte)

² Le i liil un tchin halauter dren, hoi penom tuke pral o Israel un o Juda, un i menshende an kol tsele wawar themma dran ko tsiro, kai o baro rai Josia djiwas bis kau diwes.

O Debleskro Lab 2024 (Sinte-Manouche)

² Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 36:2 ပူးပေါင်းရင်းမြစ်များ

Esra 6:2

Koi was i liil hatslo an o foro Ekbatana an o them Media. Ap ko liil his tchinlo: Laba, hoi hunte wenn gar bistedo:

Hiob 31:35

Ach, te wals jek koi, kai ap mande shunell! Hoi penom, tel kowa nai tchinau miro lab. O sorelo Dewel te rakrell pale! Kai hi ko liil, an koleste kowa miri doosh pre-tchinas, kai penell, te lom doosh ap mande?

Debleskri gili 40:7

Kol viechen un ko chapen, hoi i menshe tuke anenna, kameh tu gar. Tu dal man kanda, te haiwap, hoi kameh: kek viechen, hoi i menshe tuke chatchrenna, witar kek, hoi marenn le, te less tu lengri doosh lendar krik.

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

Jesaja 8:1

Un o baro Dewel penas ap mande: “Le tuke tchomone, kai nai tchineh laba pre, un tchin an i latcho tchinepen jaake, te nai drawerell hakeno kol laba ‘Sik-randedo un sik-tchoredo’.”

Jeremia 1:10

Dik kai! Me dau tut kai diwes penepaske pral bud menshende un themma, te tradess len win, phagess len khetne, dess len tele un kress len paash, un mukess len pale bares te well, un kress len soreles.

Jeremia 1:5

Me prindjrom tut, glan te krom tut an tiri dakro per, un rodom tut win, glan te wal boldo, te wess miro rakepaskro i menshenge dran i tsele themma.

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Jeremia 2:4

Shunenn o baro Debleskro lab, tumer Israelitarja, tumer, o Jakobeskre menshe!

Jeremia 25:3

O baro Dewel rakras mantsa biish-te-triin bersha, fun ko deesh-te-triinto bersh, kai o Josia, koleskro dad o Amon his, o baro rai his pral o them Juda, bis kau diwes. Un me penom tumenge leskre laba pale te pale. Un tumer kaman len gar te shunell.

Jeremia 30:2

O baro Dewel, kai o Israeleskro Dewel hi, penas ap leste: Tchin tuke halauter, hoi tuke penom, an i liil!

Jeremia 36:14

Kote bitchran kol pralstune i murshes, kai kharas Jehudi, pash o Baruch. O Jehudi his i tchawo o Netanjestar, leskro papo his o Shelemja un koleskro dad o Kushi. – O Jehudi penas ap o Baruch: An ko liil, dran koleste glan draweral, pash i pralstunende! Un o Baruch, koleskro dad o Nerija his, las ko liil peha un djas pash lende.

Jeremia 36:18

Job penas: O Jeremia penas mange kal laba glan. Un me lom tinta un tchinom len an kau liil.

Jeremia 36:23

Les hi i tchuri an o wast un hako kopo, har draweras o Jehudi triin te star kotja, tchinas o baro rai len i tchurjeha tele un witsras len an i jag, bis te his o tselo liil pre chatchedo.

Jeremia 36:29

Pral o Jojakim mukess te tchinell: Kawa penell o baro Dewel: Tu chatchral ko ersto liil un penal ap o Jeremia: Hoske mukal pre te tchinell, kai well i baro rai dran Babilonia, un krell kau them paash, un tradell i menshen un i viechen win?

Jeremia 36:6

Doleske dja tu koi ap ko diwes, kai chan le tchi o Debleske. Un drawe kol laba an ko liil glan i menshende, kai an o baro Debleskro kheer hi, ninna glan kolende dran Juda, kai dran pengre forja kote wenn.

Jeremia 45:1

An o starto bersh, har o Jojakim, koleskro dad o Josia his, o baro rai pral o them Juda his, tchinas o Baruch, koleskro dad o Nerija his, halauter an i liil, hoi o Debleskro rakepaskro, o Jeremia, leske penas. Koi penas o Jeremia ap o Baruch:

Ezekiel 2:9

Un me dikom i wast, hoi his win rikedo ap mande. Un an ko wast his i liil, hoi khetne lino his.

Hosea 8:12

Te mukau lenge deesh-serja mire labendar pre te tchinell, hi mire laba lenge tchi-moldo, har te wans le fun i wi-themarja.

5. Mose 31:24

O Mose tchinas an i liil kol tsele laba, hoi sikrenn, har te djan le o Debleskro drom.

Hebrearja 10:7

Koi penom: Dik, mo Dewel, kate hom, te krap, hoi tu mandar kameh, jaake har was mandar glan i rah tsiro an o Debleskro lab tchinlo.