Jeremia 35:6 - O Debleskro Drom 2021 (Sinte)

⁶ Jon penan: Mer pijah kek mool; maro dad, o Jonadab, koleskro dad o Rechab his, penas menge soreles: Tumer un tumare tchawe kai pal tumende wenna, hunte pijenn an kek tsiro mool,

O Debleskro Lab 2024 (Sinte-Manouche)

⁶ Yon penan: Mer piyah kek mool; maro dad, o Yonadab, koleskro dad o Rekab his, penas menge zoreles: T'mer oun t'mare čave kay pal t'mende venna, hounte piyenn an kek tsiro mool,

Jeremia 35:6 ပူးပေါင်းရင်းမြစ်များ

1. Mose 25:27

I tchawe wan baro. O Esau was i wesheskro, kai haiwas mishto viechen te taprell. O Jakob was i mursh, kai his pokones. Job atchas pash i plachtene khera.

1. Mose 36:7

Kowa, hoi kol dujen his, his jaake bud, kai nashte djiwenn le gar an jek them. An ko them his gar doha chapaske lengre bud viechenge.

2. Rajengro liil 10:15

Un har job kotar dureder djas, dikas job o Jonadabes, koleskro dad o Rechab hi, un penas ap leste: “Latcho diwes”, un putchas lestar: “Rikreh tu ap mande, jaake har rikrau me ap tute?” O Jonadab penas: “Awa!” Koi penas o Jehu: “Te hi kowa jaake, de man tiro wast!” Un o Jonadab das les peskro wast. Koi mukas o Jehu les pash peste ap o wurdin te djal,

2. Rajengro liil 10:23

Un o Jehu un o Jonadab, koleskro dad o Rechab hi, kol dui djan khetne an o kheer o deblestar Baal. Un o Jehu penas ap kolende, kai mangenn o debles Baal an: “Dikenn tumen trujel un denn garda, te well kek mashkral tumende, kai mangell o baro Debles an! Kokres kolla hunte wenn kate, kai mangenn o debles Baal an!”

1. Familjakro liil 16:19

An ko tsiro his le gar bud, gar budeder har i wast pherdo, un his wi-themarja an o them.

1. Familjakro liil 2:55

Ko murshestar Salma wan ninna kol tchinepangre, kai tchinan an lila, hoi djas an o them. Jon djiwan an o foro Jabez. Kolla his i Tirarja, i Shimatarja, i Sucharja. Kolla hi i Kenarja, un wan pal o Hammat. Kowa his o phuro dad kolendar dran o kheer Rechab.

Debleskri gili 105:12

An ko tsiro his le gar bud, gar budeder har i wast pherdo, un his wi-themarja an o them.

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

Jeremia 35:10

Mer djiwah an plachtene khera un krah halauter jaake, har maro dad o Jonadab menge penas.

Jeremia 35:14

Kol laba, hoi penas o Jonadab, koleskro dad o Rechab his, peskre menshenge, kai pal leste wenna, rikrenn jon dren bis ap kau diwes, un pijenn kek mool, jaake har lengro dad lenge penas. Me mukom tumenge pale te pale mire laba te penell, un tumer shunenn gar, hoi me penau.

3. Mose 10:9

“Tu un tire mursh tchawe, ma pijenn mool un sorelo pipen, te kamenn an miro kheer te djal, te hunte merenn gar. Ap kowa hunte rikrenn tumen un tumare tchawe kanna un hako tsiro.

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!

Čačepangre 13:14

Lauterestar, hoi ap o drakengro ruk bares was, chal li tchi. Un mool un sorelo pipen pijell joi gar. Un pale-tchiddo chapen chal li gar. Kawa lauter, hoi lake penom, hunte rikrell li.”

Čačepangre 13:7

Job penas ap mande: ‘Tu weh wawartchandes un tu leh i mursh tchawes. Un kanna pi kek mool un kek wawar sorelo pipen! Un cha tchi, hoi pale-tchiddo hi. Tiro tchawo well i mursh, kai o Debleske hi fun tiknes pre bis te merell lo.’”