Jeremia 35:4 - O Debleskro Drom 2021 (Sinte)

⁴ un anom len an o baro Debleskro kheer, an koi bari isema i tchawendar o Debleskro murshestar, o Hanan, koleskro dad o Jigdalja his. Koi bari isema hi langs koi isema o pralstunendar un pral koi isema o Maasejestar, koleskro dad o Shallum hi. O Maaseja his kowa, kai das garda ap o wudar.

O Debleskro Lab 2024 (Sinte-Manouche)

⁴ oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

Jeremia 35:4 ပူးပေါင်းရင်းမြစ်များ

1. Rajengro liil 12:22

Kote penas o Dewel ap o Shemaja, ko Debleskro mursheste:

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Rajengro liil 13:26

Har shunas ko phuro Debleskro rakepaskro kowa, penas lo: “Kowa hi ko Debleskro mursh, kai kras gar, hoi o baro Dewel leske penas. Doleske bitchras o baro Dewel o lewes, te dandrell lo les mulo. Jaake was, hoi o baro Dewel penas.”

1. Rajengro liil 17:18

Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”

1. Rajengro liil 17:24

Kote penas koi djuwel ap o Elija: “Kanna djinau, kai tu hal i Debleskro mursh. Un ko rakepen, hoi tu win rakreh an o baro Debleskro lab, hi o tchatchepen.”

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

2. Rajengro liil 1:9

Un o baro rai bitchras pash o Elija i pralstuno lurdes. Koles his penepaske pral paash-sheel lurdende. Un kol paash-sheel las job peha. Har kolla pash o Elija wan, his kowa ap i berga beshdo. Ko pralstuno lurdo penas ap leste: “Debleskro mursh, o baro rai penell, te wess koi pral tele.”

2. Rajengro liil 12:9

“Mishto” penan i rashaja, “mer lah buder kek lowe i menshendar.” Un lenge his mishto, te hunte kran le tchi newes un shukar ap o Debleskro kheer.

2. Rajengro liil 25:18

Un o pralstuno lurdo las o pralstuno rashajes, o Seraja, pandlo, ninna ko rashajes Zefanja, kai was pal o Seraja, un ninna kol triin murshen, kai dan jak ap o wudar.

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

2. Rajengro liil 5:20

O Debleskro mursh, o Elisa, les his i budepaskro. Leskro lab his Gehasi. Kowa penas ap peste: “Miro rai mukas o Naaman te djal un las lestar tchi, hoi kowa leske anas. Kau Syrari hunte plaissrals tchomone. Pash o djido Debleste, me nashau leske pal, te dell job man tchomone.”

2. Rajengro liil 6:10

Koi bitchras ko baro rai pral Israel lurden koi pash ko drom, kolestar o Debleskro mursh rakras un penas “Ma djan koi!” Un kolla lan ko drom an i jak. Jaake djas kowa jek kopo, dui kope un ninna budeder.

2. Rajengro liil 7:17

Ko baro rai bitchras ko pralstuno lurdes, kai tchiwell lo pes ap leskri mussi, pash o foreskro wudar. Un kote pash ko baro wudar stakran kol menshe an leste jaake, kai meras lo, har ko Debleskro mursh kowa penas, har o baro rai pash leste was.

2. Rajengro liil 7:2

Ko pralstuno lurdo, kai tchiwas pes o baro rai ap leskri mussi, penas ap ko Debleskro mursheste: “Ninna te krals o baro Dewel gomme kau diwes o bolepen pre un dals brishin, har nai djal kowa?” O Elisa penas: “Tire jakentsa dikeh tu kowa, un tchi chah tu kolestar.”

1. Familjakro liil 9:27

Un jon atchan pral i rat trul o Debleskro kheer. Jon hunte dan garda koi pre, un jon klidewan haki taissarla i wudja pre.

2. Familjakro liil 8:14

Un jaake har peskro dad, o David penas, tchiwas o Salomo i rashajen jaake khetne, har hunte budrenn le khetne. Ninna penas lo ap i Levitarja, hawi budi jon hunte krenn: Koi his sawe mank lende, kai giwan, un wawar wan i rashajenge pash o wast, jaake har hunte his hako diwes. Ninna i wudjengre mursha wan jaake khetne anlo, har hunte denn le jak ap i wudja. Hako wudareske his sawe koi, kai dan jak ap leste. Jaake penas kowa o David, ko Debleskro mursh.

Debleskri gili 84:10

Dik latches ap o baro rajeste, koles menge ap mari rig tchiwal! Dik ap leste, koles win rodal, te well lo maro rai!

Jeremia 21:1

O baro rai Zedekja bitchras dui murshen pash o Jeremia. Ko jek his o Pashur, koleskro dad o Malkija his, un ko wawar his o rashai Zefanja, koleskro dad o Maaseja his. Un o Zedekja mukas leske te penell:

Jeremia 26:10

Har shunan i pralstune pral Juda, hoi kate djas, wan le dran o baro rajeskro kheer, un djan pre an o baro Debleskro kheer un beshan pen tele pash o Newo Wudar, te rakrenn le o tchatchepen pral leste win.

Jeremia 35:3

Koi djom me, o Jeremia, pash o Jaasanja, koleskro dad o Jirmeja his, koleskro dad o Habazzinja his, un lom les khetne leskre phralentsa un leskre tsele tchawen, un halauteren dran i familja Rechab,

Jeremia 52:24

Un o pralstuno lurdo las o pralstuno rashajes, o Seraja, pandlo, ninna ko rashajes Zefanja, kai was pal o Seraja, un ninna kol triin murshen, kai dan jak ap o wudar.

Ezekiel 40:38

An i wudareskri halla fun o nordetikro wudar his i wudar, hoi djas an i tikni isema. Kote well o mass kol viechendar thodo, hoi wenn tseles chatchedo o Debleske.

Ezekiel 43:8

Jon kran pengre bare khera langs miro kheer, lengre wudja langs mire wudja, jaake te his jek massuri halauter mank mande un lende. Un jaake anan le ladj ap mande pengro djungelo koweha, hoi le kran. Doleske marom len an miri choli.

5. Mose 33:1

Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

1. Timoteo 6:11

Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

2. Timoteo 3:17

I mensho, kai kamell o Debleske koi te well, hatsell an o Debleskro lab lauter, hoi les hunte well, te nai krell lo lauter jaake, har o Dewel kamella.

Josua 14:6

Har i Israelitarja pash Gilgal his, wan i mursha dran o kheer Juda pash o Josua. Un o Kaleb, koleskro dad o Jefunne his, dran o kheer Kenas, penas ap leste: “Tu djineh, hoi o baro Dewel ap o Debleskro mursheste, o Moseste, penas, har hams an o foro Kadesh-Barnea, har trul tute un mande djas.

1. Samuel 2:27

Un i Debleskro mursh djas pash o Eli un penas leske: Kawa penell o baro Dewel: Tu djineh mishto, har krom man prindjedo pash tire phurende, pash o kheer Aron, har i Israelitarja an o them Egiptia his un hunte budran o Faraeske.