Jeremia 34:7 - O Debleskro Drom 2021 (Sinte)

⁷ An ko tsiro his i lurde o rajestar dran o them Babilonia tardo trul o foro Jerusalem un trul i forja Lakish un Aseka; kokres kal forja Lakish un Aseka his gomme gar dren lino kol tsele sorele forjendar an o them Juda.

O Debleskro Lab 2024 (Sinte-Manouche)

⁷ An ko tsiro his i lourde o rayestar dran o them Babilonia tardo troul o foro Yerusalem oun troul i forya Lakish oun Aseka; kokres kal forya Lakish oun Aseka his gomme gar dren lino kol tsele zorele foryendar an o them Youda.

Jeremia 34:7 ပူးပေါင်းရင်းမြစ်များ

2. Rajengro liil 14:19

Un jon kran pen khetne an o foro Jerusalem, te marenn le o Amazja. Job nashas peske an o foro Lakish. Un jon bitchran murshen leske palla an o foro Lakish un maran les kote.

2. Rajengro liil 19:8

An ko tsiro his o baro rai pral o them Assur buder gar an o foro Lakish. Job djas dureder an o kurepen o foreha Libna. Har leskro pralstuno, koles job pash o Hiskija bitchras, kowa shunas, djas lo kote pale.

2. Familjakro liil 27:4

Un job kras kol forja ap i berge Juda sorleder. Un an i wesha kras lo sorele kurepangre khera un turme.

Jesaja 36:2

Un o baro rai dran o them Assur bitchras jekes leskre pralstunendar bud lurdentsa dran o foro Lakish pash o baro rajeste Hiskija an o foro Jerusalem. Un o pralstuno atchas tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

Jeremia 11:12

Palle denn kol menshe an o them Juda un an Jerusalem gole pal kol deblende, kai chatchran jon lenge sungepaskro koowa. Kal debla nai haiwenn len gar dran lengri bibacht win te anell.

Jeremia 34:1

Kawa hi ko lab, hoi o baro Dewel ap o Jeremia penas, an ko tsiro har o Nebukadnezar, ko rai dran o them Babilonia, peskre tsele lurdentsa trul o foro Jerusalem tardo his. Ninna trul i wawar forja an o them Juda his le tardo. Un gar kokres dran o them Babilonia his le, na-a ninna dran kol tsele wawar themma, pral kolende o Nebukadnezar o rai his.

Jeremia 4:5

Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Micha 1:13

Tumer an o foro Lakish, lenn tumenge graja un tchiwenn len glan i wurdja, un nashenn tumenge! Tumer anan i menshen dran o foro Zion ap o tchilatcho drom! An tumaro foro well sawo tchilatchepen kerdo har an o them Israel.

5. Mose 28:52

Un jon tchiwenn pen trul tumare forja, un mukenn kekes dren un kekes win, bis te kol bare un sorele forjengre massurja tele phagedo hi, kolendar tumer patsan, te well kek wergel. Kowa krenn le tumare tsele forjentsa an tumaro tselo them, hoi tumaro baro Dewel tumen das.

Josua 10:3

Un o Adoni-Zedek, ko rai pral Jerusalem, bitchras murshen pash i bare rajende pral star wawar forja: pash o Hoham, ko rai pral Hebron, un pash o Piram, ko rai pral Jarmut, un pash o Jafia, ko rai pral Lakish, un pash o Debir, ko rai pral Eglon. Un job mukas lenge te penell:

Josua 10:5

Koi wan kol pantch bare raja pral i Amorarja khetne: kol bare raja pral i forja Jerusalem, Hebron, Jarmut, Lakish, un Eglon. Un lengre tsele lurde wan lentsa. Un jon djan khetne un tchiwan pen trul o foro Gibeon, te lenn le les dren un kuran pen lentsa.

Josua 12:11

Jarmut, Lakish,

Josua 15:35

Jarmut, Adullam, Socho, Aseka,

Josua 15:39

Lakish, Bozkat, Eglon,