Jeremia 34:21 - O Debleskro Drom 2021 (Sinte)

²¹ Ninna o Zedekja, ko rai pral o them Juda, un leskre pralstune, kolen dau an i wasta kolendar, kai kamenn len te marell. Kol lurde o baro rajestar dran Babilonia, kai tumendar krik djan, an kolengre wasta dau len.

O Debleskro Lab 2024 (Sinte-Manouche)

²¹ Ninna o Sedekya, ko ray pral o them Youda, oun leskre pralstoune, kolen dau an i vasta kolendar, kay kamenn len te marell. Kol lourde o baro rayestar dran Babilonia, kay t'mendar krik djan, an kolengre vasta dau len.

Jeremia 34:21 ပူးပေါင်းရင်းမြစ်များ

2. Rajengro liil 25:6

I lurde dran o them Babilonia lan o baro rajes Zedekja un pandan les un anan les an o foro Ribla pash o baro rajeste pral o them Babilonia. Un jon rakran i phagi pral leste win.

Jeremia 22:25

Me dau tut an i wasta kolendar, kai kamenn tut te marell, un kolendar tut traash hi, an i wasta o baro rajestar dran Babilonia, o Nebukadnezar, un leskre lurdendar, kol Kaldearja.

Jeremia 32:3

Glan i tsiro stilas les o baro rai pral o them Juda, o Zedekja, doleske, kai penas o Jeremia glan-wi: Kowa penell o baro Dewel: Me dau kau foro an o wast o baro rajestar dran o them Babilonia, un job lell ko foro peske dren,

Jeremia 32:4

un o Zedekja nai nashell gar peske glan i lurdende dran o them Babilonia. Me kamau les an o wast o baro rajestar dran o them Babilonia te dell, te nai rakrell lo leha mui ap mui, un te dikell lo les peskre jakentsa.

Jeremia 39:6

Kote an o foro Ribla mukas o baro rai dran o them Babilonia i tsele tchawen o Zedekjestar glan leske jaka te marell. Un kote mukas lo ninna i tsele pralstunen dran o them Juda te marell.

Jeremia 44:30

Me dau o baro rajes pral o them Egiptia – leskro lab hi Farao Hofra – an i wasta kolendar, kai kamenn les te marell, jaake har dom o Zedekjes, ko rajes dran o them Juda, an o wast o rajestar pral o them Babilonia, kowa kai kamas les te marell. Leskro lab hi Nebukadnezar. Kowa penau me, o baro Dewel.

Jeremia 52:10

Un o baro rai dran o them Babilonia mukas i mursh tchawen o rajestar Zedekja glan leskre jaka te marell. Un mukas ninna i tsele pralstunen dran o them Juda te marell. Kowa kras lo kote an o foro Ribla.

Jeremia 52:8

koi nashan i lurde dran o them Babilonia sik o baro rajeske Zedekja palla. Un jon lan les dren un tapran les an o telstuno them pash o foro Jericho. Un kol tsele kurepangre, kai pash leste his, nashan penge krik.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Ezekiel 17:12

Pen kol menshenge, kai mukenn pen tchi te penell: Haiwenn tumer gar, hoi kowa kamell te penell? O baro rai dran o them Babilonia was an Jerusalem, un las leskro baro rajes un leskre pralstunen pandles, un anas len pash peste an o foro Babilon.

Ezekiel 17:16

Me dau man sowel pash miro djipen, penell o baro Dewel, maro rai: Ko rai pral Juda phagas peskri sowel, un rikras gar dren, hoi lo o baro rajeha dran o them Babilonia win kras, koleha, kai les rai kras. Doleske merell lo an koleskro foro – mashkral an Babilon.

Ezekiel 17:20

Me witsrau miri netsa pral leste win, te well lo tapedo an mire dorja. Un anau les an o them Babilonia. Kote dau les i phagi koleske, kai phagas lo mantsa.