Jeremia 34:20 - O Debleskro Drom 2021 (Sinte)

²⁰ Un me dau len an i wasta kolendar, kai kamenn len te marell, un lenge ap o djipen djan. Un lengro mulo mass well o chapen i tchirklenge un i diwje viechenge.

O Debleskro Lab 2024 (Sinte-Manouche)

²⁰ Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

Jeremia 34:20 ပူးပေါင်းရင်းမြစ်များ

1. Rajengro liil 14:11

Kowa, kai o Jerobeameskre menshendar hi, un merell an kau foro, koles chan i djukle ap o drom pre. Un kowa, kai merell glan o foro, koles chan i tchirkle. Kowa penas o baro Dewel.”

1. Rajengro liil 16:4

Koon i menshendar Baasha an o foro merella, koles chan i djukle, un koon leskre menshendar win glan o foro merella, koles chan i tchirkle.

Debleskri gili 79:2

Tire budepangren dan le mulo, un lengro mass dan le i tchirklende tel o bolepen te chal. Kolen, kai tu tuke wi-rodal, maran le, un lengro mass dan le i diwje viechen te chal.

Jeremia 11:21

I menshe an Anatot kaman man mulo te dell, un penan mange: Muk tele, te rakress, hoi o baro Dewel tuke penas, te kameh gar, te maras tut mare wastentsa! Doleske penell o baro Dewel, ko rai pral o bolepen un i phub: Me kamau kol menshen an Anatot i phagi te dell: Lengre terne mursha wenn o chareha mulo dino, un lengre tchawe un tcha hunte merenn i bokatar.

Jeremia 12:9

O them mire menshendar was i them, kai i diwje djukle khetne wan. Un trul lende hi sawe tchirkle, kai chan mass: Awenn khetne tumer tsele diwje vieche! Kate hi chapen!

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 22:25

Me dau tut an i wasta kolendar, kai kamenn tut te marell, un kolendar tut traash hi, an i wasta o baro rajestar dran Babilonia, o Nebukadnezar, un leskre lurdendar, kol Kaldearja.

Jeremia 38:16

Kote das pes o baro rai Zedekja tchorchanes sowel un penas: Glan o djido Debleste, kai men maro djipen das, penau tuke: Me mukau tut gar te marell, un me dau tut witar gar an o wast kol murshendar, kai kamenn tut te marell.

Jeremia 39:6

Kote an o foro Ribla mukas o baro rai dran o them Babilonia i tsele tchawen o Zedekjestar glan leske jaka te marell. Un kote mukas lo ninna i tsele pralstunen dran o them Juda te marell.

Jeremia 4:30

Jerusalem, tu hal dino! Hoi kreh tu? Tu riweh kutch lole koola ap tute, tchiweh sonakai ap tute, un makeh tire jaka an. Tu kreh tut shukar tchitcheske! Tire pirne kamenn tut gar buder, un kamenn tut mulo te dell.

Jeremia 44:30

Me dau o baro rajes pral o them Egiptia – leskro lab hi Farao Hofra – an i wasta kolendar, kai kamenn les te marell, jaake har dom o Zedekjes, ko rajes dran o them Juda, an o wast o rajestar pral o them Babilonia, kowa kai kamas les te marell. Leskro lab hi Nebukadnezar. Kowa penau me, o baro Dewel.

Jeremia 49:37

Un me krau, te lenn i Elamarja traash kolendar, kai kurenn pen lentsa un kamenn len te marell. Miri choli pral lende hi baro. Doleske anau bibacht pral lende. Un bitchrau o charo pal lende, bis te buder kek lendar pral atchell.

Jeremia 7:33

Tchirkle un diwje vieche chan kol mule menshen pre, un kek tradell len krik.

Ezekiel 23:28

Kawa penell o baro Dewel, maro rai: Me dau tut an i wasta kolendar, kai lenge tiro dumo sikral, un ap kolende tele dikeh.

Ezekiel 29:5

Me witsrau tut an o mulo them, tut un i tsele matche dran tire bare lengste panja. Ap i phub witsrau tut. Kote atcheh tchiddo. Un kek well, kai hadell tut pre un paskrell tut. Me dau tut i diwje viechenge un i tchirklenge chapaske.

Ezekiel 32:4

Un me witsrau tut ap i phub, un mukau tut kote tchiddo ap o them. Un krau, te beshenn pen i tsele tchirkle ap tute tele. Un i tsele diwje viechen krau tchalo tiro masseha.

5. Mose 28:26

Un te han mulo koi tchiddo, palle wenn i tchirkle un i diwje vieche, te chan le tumaro mass. Un kek tradell len krik.

1. Samuel 17:44

un penas ap o David: “Ab kai pash mande, te dap tiro mass te chal i tchirklende un i diwje viechende!”

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.