Jeremia 34:14 - O Debleskro Drom 2021 (Sinte)

¹⁴ te mukell hakeno peskro ginlo budepaskres te djal, kowa, kai i wawar Israelitari hi, un kai bikras pes leske, un budras leske shob bersha. An o eftato bersh hunte mukas lo les te djal. Tumare phure shunan gar ap mande, un rikran pen gar ap mire laba.

O Debleskro Lab 2024 (Sinte-Manouche)

¹⁴ te moukell hakeno peskro ginlo boudepaskres te djal, kova, kay i vavar Israelitari hi, oun kay bikras pes leske, oun boudras leske shob bersha. An o eftato bersh hounte moukas lo les te djal. T'mare phoure shounan gar ap mande, oun rikran pen gar ap mire laba.

Jeremia 34:14 ပူးပေါင်းရင်းမြစ်များ

1. Rajengro liil 21:25

Tchatchepah, kek his koi har o Ahab, kai bikras pes, te krell lo o tchilatchepen glan i jaka o baro Deblestar. Un leskri romni, i Isebel, his koja, kai anas les ap kau tchilatcho drom.

1. Rajengro liil 9:22

I menshendar Israel las lo kekes, kai hunte was leskro budepaskro. Jon wan leskre lurde, un pralstune an leskro kheer, un pralstune pral i lurdende, un kurepangre ap leskre wurdja, un pralstune pral leskre wurdja un leskre graja.

2. Familjakro liil 28:10

Un kanna kamenn tumer ninna kol pandlen dran o them Juda un o foro Jerusalem tel tumare pire te tchiwell, te wenn le tumare budepangre. Patsenn tumer, kai anenn kau koweha kek doosh ap tumende glan tumaro baro Debleste?

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jeremia 11:7

Me dom tumare phuren trad ap ko diwes, har anom len dran Egiptia win, bis ap kau diwes, un penom lenge pale te pale: Shunenn ap miro rakepen!

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Jeremia 35:15

Me bitchrom tumenge pale te pale mire rakepangre, kai mange budrenn, un mukom tumenge te penell: Djan tele, hakeno peskro tchilatcho dromestar! Mukenn tumaro tchilatcho koowa, un nashenn buder gar mule deblenge palla, te mangenn len an! Palle nai atchenn an kau them, hoi me tumenge un tumare phurenge dom. Tumer dan gar jak ap mire laba un shunan gar ap mande.

Ezekiel 20:4

Ap mande penas lo: Tu mensho, rake pral lende o tchatchepen win! Kre kowa! Rike lenge ko djungelo koowa glan i jaka, hoi lengre phure kran!

Ezekiel 20:8

Jon mukan pen tchi mandar te penell, un kaman gar ap mande te shunell. Kek witsras kol djungele figuren krik, hoi lo an-mangas. Kol egiptikre deblen kaman le gar te mukell. Kote kamom miri choli pral lende win te tchorell. Gomme kote an o them Egiptia kamom miri tseli choli ap lende win te mukell.

3. Mose 25:10

O 50. (paash-sheelto) bersh hi o baro Debleske. An kau bersh denn win gole, te well hakeneske, kai an ko them djiwell, peskri sijaan muklo. Un te his leskri sijaan jaake baro, te bikras pes lo ap i wawareske, hunte mukell kowa les pale te djal. Hakeno tumendar lell kowa pale, hoi leskro his, un nai djal khere pash peskre menshende.

Amos 2:6

O baro Dewel penell: I menshe an o them Israel kran pale te pale djungelo koowa. Jon bikran lowenge menshen, kai lenge tchi kran, ninna i tchorwelen, kai nashte denn kek lowe i kirchenge.

Amos 8:6

Ninna ko phuss, hoi o djobestar pral atchas, bikrah, har te wals lo djob. I tchorwele, kai nai plaissrenn gar pengri sijaan, kolen ginah menge, te budrenn le menge, ninna te hi lengri sijaan gar bareder har dui kircha.

Remarja 7:24

Me bibachtelo! Koon nai lell man dran miro phuro djipen win, hoi anell man an o merepen?

5. Mose 15:1

Hake efta bersha, hunte mukenn tumer koi sijaan, hoi jekes pash tumende hi.

5. Mose 15:12

Te bikras pes i wawar Israelitari ap tute, – mursh oder djuwel – palle budrell lo tuke shob bersha, un an o eftato bersh mukess les te djal.

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!