Jeremia 34:11 - O Debleskro Drom 2021 (Sinte)

¹¹ I tsiro koi pal, kaman le pengre budepangren pale pale, kolen kai mukan jon te djal. Un jon lan len sorjah pale pale, te wenn le pale budepangre pash lende.

O Debleskro Lab 2024 (Sinte-Manouche)

¹¹ I tsiro koy pal, kaman le pengre boudepangren pale pale, kolen kay moukan yon te djal. Oun yon lan len zoryah pale pale, te venn le pale boudepangre pash lende.

Jeremia 34:11 ပူးပေါင်းရင်းမြစ်များ

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

2. Mose 8:8

Un o Mose un o Aron djan dran o Faraeskro kheer win. Un o Mose das o baro Debles gole un mangas les, te lell lo i djambe krik, hoi job pral o Farao anas.

2. Mose 9:28

Mang o baro Debles, te well kanna o barrengro brishin doha, un te dell o bolepen buder gar gole! Palle mukau me tumen te djal, un rikrau tumen buder gar kai.”

Gosewe laba 26:11

Har i djuklo, hoi pale chal, hoi lo win tchadas, jaake hi o narwelo, kai krell pale te pale dinelo koowa.

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

Jeremia 34:10

Un i pralstune un i tsele wawar menshe, kai penan ‘awa’ ap kowa, kran ninna jaake, un mukan pengre budepangren te djal.

Jeremia 34:12

Kote penas o baro Dewel ap o Jeremia:

Jeremia 34:16

Un kanna rikran gar, hoi tumen sowel dan, un kran, har te wals miro lab tchi moldo! Hakeno tumendar kamell kol murshen un djuwjen pale, kai leskre budepangre his, un kolen job mukas te djal, te nai djan le penge kote, kai le kaman. Kanna lell lo len sorjah pale pale, te wenn le pale leskre pandle budepangre.

Jeremia 34:21

Ninna o Zedekja, ko rai pral o them Juda, un leskre pralstune, kolen dau an i wasta kolendar, kai kamenn len te marell. Kol lurde o baro rajestar dran Babilonia, kai tumendar krik djan, an kolengre wasta dau len.

Jeremia 37:5

An ko tsiro djan i lurde o Faraestar dran o them Egiptia win. Har o Babilonarja, kai glan o foro Jerusalem pre tardo his, kowa shunan, tserdan le pen pale dran o foro Jerusalem.

Hosea 6:4

Hoi te krap tuha, Efrajim? Hoi te krap tuha, Juda? Tumer mukenn man jaake sik har i wolka, hoi taissarlakro krik djal, un har ko pani, hoi ap o senlepen hi.

Hosea 7:16

Jon rissrenn pash i debleste, koles kek soor hi. Jon hi har i bango bogo, koleha kek failo kote djal, kai te djal lo. Lengre pralstune hi bare mujengre. Doleske wenn le maredo o chareha. Palle san i Egiptarja pral lende.

Zefanja 1:6

Marau ninna kolen, kai perenn mandar tele, un kolen, kai putchenn gar pal mande, un kamenn tchi mandar te djinell.

1. Samuel 24:19

Kau diwes sikral tu man un lauteren, te hal tu latches ap mande, har tchiwas man o baro Dewel an tiro wast, un tu dal man gar mulo.

1. Samuel 26:21

Un o Saul penas: “Me lom doosh ap mande, miro tchawo. Am pale pale! Me kamau tuke buder kek tchilatchepen te krell. Dikau, miro djipen his kau diwes kutch an tire jaka! Kowa hoi me krom, his dineles, un anom bari doosh ap mande!”