Jeremia 33:6 - O Debleskro Drom 2021 (Sinte)

⁶ Kanna shun, me kamau kau foro pale soreles te krell, un leskro dukepen sasto te krell, te djal leskre menshenge mishto, un te nai djiwenn le kek darjah.

O Debleskro Lab 2024 (Sinte-Manouche)

⁶ Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Jeremia 33:6 ပူးပေါင်းရင်းမြစ်များ

Debleskri gili 147:3

Kolen, kai lengro dji phagedo hi, krell lo pale sasto, un kolenge, kai dukedo hi, tchiwell lo i pandepen pre.

Debleskri gili 37:11

I tchorwele lenn ko them. Kote hi len budeder bacht har doha.

Debleskri gili 67:2

Dewel, kre tiro dji menge pre, un tchip tiri bacht ap mende! Dik tu latches ap mende!

Debleskri gili 72:7

Palle djal mishto kolenge, kai an o tchatchepen tardo hi. Un i menshe djiwenn latches khetne, bis te o tchon buder gar koi hi.

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 39:8

Kote penas o Hiskija ap o Jesaja: “Ko lab o baro Deblestar hi mishto, hoi tu rakral.” O Hiskija penas peske: “Mange hi mishto, te hi kek kurepen un marepen an mire diwessa.”

Jesaja 54:13

O baro Dewel sikrell peskro drom tire tsele tchawende, un lenge djal mishto.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jesaja 57:18

Lengre dromma dikom me, un doleske krau jaake: Me krau len sasto, sikrau len o drom, un rakrau latches lentsa. Un kolenge, kai rowenn,

Jesaja 57:19

tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Jesaja 58:8

Palle well tiro tchatchepen glan har o kham taissarlakro. Un tiro dukepen well sik sasto. Un hakeno dikell ko latcho un tchatcho koowa, hoi kral. Un o baro Dewel djal pal tute peskri sorjah un dell jak ap tute.

Jesaja 66:12

Kawa penell o baro Dewel ap o foro Jerusalem: Dik, me mukau bud latchepen pral tute te well har i lengsto pani. Un o brawlepen dran wawar themma nashell an tute har i diwjo pani. Me dau garda ap tute har i dai ap peskro ternepen, hoi hidjrell li ap i wasta, un tchiwell les ap peskre herja un khelell leha.

Jeremia 17:14

Kre man sasto, baro Dewel, Te kreh man sasto, palle hom sasto. Le man win dran i bibacht! Palle nai krell man kek tchi. Tu hal kowa, kones sharau.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 3:22

Awenn pale pale, tumer kai djan tumenge mandar! Un me kamau lauter bistrell, hoi kran. Dik, mer wah pash tute. Tu hal o baro Dewel, maro rai.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Micha 4:3

Job krell o tchingepen win mank bare natsjone, un rakrell o tchatchepen win pral budende an dur themma. Jon krenn dran lengre chare hachetikre koola, kolentsa witsrenn le i phub trujel. Un dran lengre witsepangre tchurja krenn le tchurja, kolentsa jon i drake tele tchinenn. An ko tsiro hi kek them o wawareha an o kurepen. Kek hunte sikrell len buder, har te kurenn le pen i chareha.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Johanni 10:10

Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

Efesarja 6:23

Mire phrala, o Debleskri bacht well tumentsa, ninna kamlepen un patsepen! Kowa dell tumen o Dewel, maro dad, un o Jesus Kristo, maro rai.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,