Jeremia 33:22 - O Debleskro Drom 2021 (Sinte)

²² Kek nai penell, kitse bolepangre momlia an o bolepen hi. Un kek nai penell har bud santa pash o baro pani hi. Jaake dau miro budepaskro o Davideste jaake bud tchawe, kai pal leste wenna, te djinell kek, har bud jon hi. Un ninna krau, te wenn i Levitarja bud bud, kai mire rashaja hi.

O Debleskro Lab 2024 (Sinte-Manouche)

²² Kek nay penell, kitse bolepangre momlia an o bolepen hi. Oun kek nay penell har boud santa pash o baro pani hi. Yaake dau miro boudepaskro o Davideste yaake boud čave, kay pal leste venna, te djinell kek, har boud yon hi. Oun ninna krau, te venn i Levitarya boud boud, kay mire rashaya hi.

Jeremia 33:22 ပူးပေါင်းရင်းမြစ်များ

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

1. Mose 15:5

Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

Debleskri gili 22:30

Ninna i brawele ap kai phub, kolen hako tsiro budeder hi har doha chapaske, hunte witsrenn pen tele glan leste. Ninna hakeno, kai meras un pale tchik was, hunte perell ap i tchanga glan leste.

Debleskri gili 89:29

Hako tsiro atchell miro latchepen ap leste, un miro lab, hoi leske sowel dom, rikrau me.

Jesaja 48:19

Tire tchawe, kai pal tute wenn, wans jaake bud har i santa pash o baro pani. Un lengre laba merans gar win. Un kek nai tradans len krik glan mande.

Jesaja 66:21

Un ninna kolendar lau mange, te wenn le mange rashaja un Levitarja, penell o baro Dewel.

Jeremia 30:19

Un i menshe, kai djiwenn kote, giwenn sharepaskre gilja, un denn gole i bachtjatar. Un me dau len bud tchawe, te wenn le budeder. Me krau len railes un bares un gar tikneder.

Jeremia 31:37

O baro Dewel penell: Jaake har penell nai kek, har baro o bolepen hi, un kek nai penell, hoi an i telstuni phub hi, jaake nai witsrau me gar i Israelitarjen mandar koleske lautereske, hoi jon kran.

Jeremia 33:18

Un hako tsiro hi rashaja koi dran o kheer Levi, kai chatchrenn mange hako diwes viechen un chapen, sawe vieche, hoi tseles chatchedo wenn un wawar, kolendar kotja mass chatchedo wenn.

Jeremia 33:23

Un o baro Dewel penas ap o Jeremia:

Ezekiel 37:10

Un me rakrom kal laba win, jaake har mange penlo was. Un o ducho was un djas an lende. Un jon wan djido, un tchiwan pen ap pengre herja tardo. Kolla his bud bud lurde.

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

Zakarie 10:8

Me kamau mire menshen gole te dell, awa, khetne gole te dell, te lap len win kotar, kai le pandle hi. Jon te wenn jaake bud har an o phuro tsiro.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

Zakarie 2:4

Koi putchom lestar: “Hoi kamenn le te krell?” Job penas: “Jon wan, te denn le kol shinga tele. Kal natsjone djan ap i menshende an o them Juda pre un tradan len krik. Un kal star wan, te krenn le lenge bari daar un lenn lenge lengri soor krik.”

Hebrearja 11:12

Har o tchawo boldo was, his o Abraham ninna jaake phuro, te nai wals lo buder gar o dad i tchawestar. Un job was o dad bud bud menshendar. Leskre tchawe, tchawengre tchawe un lauter, kai pal leste wan, wan jaake bud har i bolepangre momlia, un har i tikne barra pash o baro pani, kai kek djinell, har bud kolla hi.