Jeremia 33:18 - O Debleskro Drom 2021 (Sinte)

¹⁸ Un hako tsiro hi rashaja koi dran o kheer Levi, kai chatchrenn mange hako diwes viechen un chapen, sawe vieche, hoi tseles chatchedo wenn un wawar, kolendar kotja mass chatchedo wenn.

O Debleskro Lab 2024 (Sinte-Manouche)

¹⁸ Oun hako tsiro hi rashaya koy dran o kheer Levi, kay rhačrenn mange hako dives firhen oun rhapen, save firhe, hoy tseles rhačedo venn oun vavar, kolendar kotya mass rhačedo venn.

Jeremia 33:18 ပူးပေါင်းရင်းမြစ်များ

Esra 3:5

Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 61:6

Tumer wenn rashaja o baro Deblestar, un wenn kharedo ‘maro Debleskre budepangre’. Un ko brawlepen dran wawar themma, koleha mukenn les tumer tumenge mishto te djal, un koleha sharenn tumen.

Jeremia 33:19

Un o baro Dewel penas ap o Jeremia:

Jeremia 33:22

Kek nai penell, kitse bolepangre momlia an o bolepen hi. Un kek nai penell har bud santa pash o baro pani hi. Jaake dau miro budepaskro o Davideste jaake bud tchawe, kai pal leste wenna, te djinell kek, har bud jon hi. Un ninna krau, te wenn i Levitarja bud bud, kai mire rashaja hi.

Jeremia 35:19

doleske penau tumenge: Hako tsiro hi menshe koi o Jonadabeskre tchawendar, kai mange budrenn. Kowa penell o baro Dewel, ko rai pral o bolepen un i phub, kai o Israeleskro Dewel hi.

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

Ezekiel 45:5

Ko wawar kotar them, hoi hi 12,5 (deesh-te-dui-te-paash) kilometarja lengsto un 5 (pantch) kilometarja buchlo hi i Levitarenge, kolla an o Debleskro kheer budrenn. Kote nai krenn le penge forja, an kolla jon djiwenn.

4. Mose 3:5

Un o baro Dewel penas ap o Moseste:

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

Remarja 15:16

Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

5. Mose 18:1

I rashaja – jon hi lauter dran o kheer Levi, – kolla lenn kek them an Israel. Jon chan kolestar, hoi i wawar Israelitarja o baro Debleske anenn, te well kowa leske chatchedo.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

Josua 3:3

un mukas i menshenge te penell: “Ap ko tsiro, kai dikenn tumer, har hidjrenn i rashaja dran o kheer Levi ko mochton, kai o Debleskre deesh laba dren hi, hoi tumen tumaro baro Dewel das, palle stenn pre, un djan pal o mochton!

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Debleskro tsiro 1:6

Job kras men raja un rashaja o Debleske, peskro dadeske. Leske hi o railepen un i soor kanna un hako tsireske! Amen.

Debleskro tsiro 5:10

Un tu kreh lendar raja un rashaja maro Debleske. Un jon wenn raja pral i tseli phub.