Jeremia 33:13 - O Debleskro Drom 2021 (Sinte)

¹³ Un i bakrengre ginenn pale pengre bakre, kitse jon hi, te djan le win un dren glan kol forja, kai hi ap i bare un tikne berge, un an o them Negev, un an o them Benjamin un trul Jerusalem, un an i forja o themestar Juda. Kowa penell o baro Dewel.

O Debleskro Lab 2024 (Sinte-Manouche)

¹³ Oun i bakrengre ginenn pale pengre bakre, kitse yon hi, te djan le vin oun dren glan kol forya, kay hi ap i bare oun tikne berge, oun an o them Negev, oun an o them Benyamin oun troul Yerusalem, oun an i forya o themestar Youda. Kova penell o baro Devel.

Jeremia 33:13 ပူးပေါင်းရင်းမြစ်များ

Jeremia 17:26

Un menshe wenna dran kol forja o themestar Juda, un dran i gaba trul Jerusalem, un dran o them Benjamin un dran kol tikne un bare berge un dran o them Negev. Un jon anenn an o baro Debleskro kheer viechen chatchepaske un chapaske, djob un kutch sungepaskro koowa, un wawar koowa, koleha parkrenn le pen pash o baro Debleste.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Jeremia 32:15

O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Jeremia 32:44

Awa, kotja them wenn ginlo, un ginepaskre lila wenn tchinlo. Kal lila wenn pandlo un i sikepen pre-tchiddo, un mursha hi kote pashel, te well lauter tchatches kerdo. Kowa lauter well jaake kerdo an o them Benjamin, an i gaba trul o foro Jerusalem, an wawar forja an o them Juda, ninna an i forja ap i bare un tikne berge, un an i forja an o them Negev. Me krau, te well pale lauter mishto mire menshenge, penell o baro Dewel.

Ezekiel 20:37

Me krau, te wenn tumer pale menshe, kai djiwenn pal kowa, hoi mer win kram. Jaake har i bakrengro peskre bakrentsa krell, un bakre lendar ap i rig tchiwell, jaake djau tumentsa trujel.

3. Mose 27:32

Ninna i grumjendar, i bakrendar un i busjendar hi hako deshto viecho o baro Debleske. Kek dikell palla, hi ko viecho latcho, hi lo gar latcho. Witar gar well i viecho win paredo. Jaake har djan le glan o bakrengro koi, jaake lell lo hako deshto ap i rig. Te parell lo jekes win, hi kol dui vieche o baro Debleske, un nai wenn gar win ginlo.

Obadja 1:20

Un kolla, kai pandles krik anlo wan dran Israel, jon lenn o them Kanaan dren bis pash o foro Zarpat. Un kolla, kai dran o foro Jerusalem pandles an o foro Sefarad anlo wan, jon lenn kol forja penge, kai an o them Juda kote hi, kai o kham pralstunes tardo hi.

Louka 15:4

“Te hi jekes tumendar sheel bakre, un jek lendar djal nashedo, palle mukell lo kol wawaren tardo, un rodell ko jekes jaake rah, te hatsell lo les.