Jeremia 32:9 - O Debleskro Drom 2021 (Sinte)

⁹ Kote ginom ko kotar them an Anatot miro nebudestar, o Hanamel, un plaissrom leske deesh-te-efta rupene kotja koleske.

O Debleskro Lab 2024 (Sinte-Manouche)

⁹ Kote ginom ko kotar them an Anatot miro neboudestar, o Hanamel, oun playsrom leske deesh-te-efta roupene kotya koleske.

Jeremia 32:9 ပူးပေါင်းရင်းမြစ်များ

1. Mose 24:22

Har i khamele tchalo his, las job i sonakaskri gustri: shob gramme pharo, un dui sonakangre mussjengre gustria: 120 (sheel-te-biish) gramme pharo. Un das kowa late. Un job putchas latar:

1. Mose 37:28

Har i parepangre dran o them Midian pashel wan, tserdan les o Josefeskre phrala dran i gruba win, un bikran les ap i Ismaelarja, un lan lendar biish rupene kotja. Un jon anan o Josefes an o them Egiptia.

1. Rajengro liil 20:39

Un jaake was, har o baro rai koi djas, das o Debleskro rakepaskro bari gole ap leste un penas: “Miro baro rai, me djom win an o kurepen. Un jek mare lurdendar was pash mande un anas mange i pandles, un penas ap mande: ‘De mishto jak ap leste! Te nashell lo peske, well tiro djipen tutar lino leskro djipaske. Oder tu hunte plaissress jek zentnari rup.’

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Ester 3:9

Miro rai, te kameh, muk i liil te tchinell, kai dren tardo hi, te wenn le maredo. Un me dau deesh-serja kotar rup an i wasta i pralstunendar pral o rajeskro brawlepen.”

2. Mose 21:32

Te das i grumni i budepaskres i dap, jaake te merell lo, palle hunte dell kowa, koleske koi grumni hi, 30 (trijanda) kotja rup koleste, kai nashras peskro budepaskres. Kowa well ninna jaake kerdo pash i budepaskretsa. Koi grumni hunte well i barrentsa mulo witsedo.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Ezekiel 4:10

Hako diwes chas tu i paash funto maro. Cha kowa hako diwes ap o emligo tsiro!

Hosea 3:2

Kote ginom lat mange un plaissrom 15 (deesh-te-pantch) rupene kotja un 330 (triin-sheel-te-trijanda) litarja djob.