Jeremia 32:43 - O Debleskro Drom 2021 (Sinte)

⁴³ Tumer penenn kau themestar: “Kowa hi i mulo them, kai kek menshe dren djiwenna, un kek vieche koi hi; un i Babilonarja hi i raja an leste.” Shunenn, o diwes well, kai wenn pale hachetikre themma ginlo an kau them.

O Debleskro Lab 2024 (Sinte-Manouche)

⁴³ T'mer penenn kava themestar: “Kova hi i moulo them, kay kek menshe dren djivenna, oun kek firhe koy hi; oun i Babilonarya hi i raya an leste.” Shounenn, o dives vell, kay venn pale harhetikre themma ginlo an kava them.

Jeremia 32:43 ပူးပေါင်းရင်းမြစ်များ

Jeremia 32:15

O baro Dewel, ko rai pral o bolepen un i phub, kai o Israeleskro Dewel hi, penell: O tsiro well, kai wenn pale khera ginlo an kau them, ninna hachetikri phub un drakengro them.

Jeremia 32:25

Un tu, baro Dewel, miro rai, peneh ap mande: ‘Gin tuke i kotar them, un plaisse kol lowe, te well lo tute! Un le murshen pashel, te dikenn le halauter, har tu gineh ko kotar them.’ Kowa penal, ninna te well kau foro an o wast i menshendar dran o them Babilonia dino!

Jeremia 32:36

Doleske hi kanna jaake: Tumer penenn: Kau foro well an i wasta o baro rajestar dran Babilonia dino. Un i menshe an kau foro wenn maredo o chareha, merenn i bokatar un ap i djungelo nasslepen. Ninna te well kowa jaake, penau me, o baro Dewel, kai o Israeleskro Dewel hi, pral kau foro:

Jeremia 33:10

Kowa penell o baro Dewel: Tumer penan: ‘Kau them hi i mulo them, kek menshe un kek vieche djiwenn kote.’ Djinenn, kal forja an o them Juda un i dromma o forestar Jerusalem, kai kanna jaake paash dino hi, te hi kote buder kek mensho un kek viecho dren,

Jeremia 33:12

Kowa penell o baro Dewel, ko rai pral o bolepen un i phub: Ninna te dikell kau them kanna win har i mulo them, kai nai djiwenn kek menshe un kek vieche, well i tsiro, kai hi hako fores pale latcho them, kai i bakrengre pengre bakren anenna.

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.