Jeremia 32:31 - O Debleskro Drom 2021 (Sinte)

³¹ Bari choli chatchas an mande pral kau foro jaake rah har lo tardo hi. Doleske hunte tchiwap les glan mande krik, te dikap les buder gar.

O Debleskro Lab 2024 (Sinte-Manouche)

³¹ Bari rholi rhačas an mande pral kava foro yaake rah har lo tardo hi. Doleske hounte čivap les glan mande krik, te dikap les bouder gar.

Jeremia 32:31 ပူးပေါင်းရင်းမြစ်များ

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

2. Rajengro liil 23:15

Ninna koi mulni platsa an Betel kras lo paash, hoi o Jerobeam, ko Nebateskro tchawo kras, te anell lo o Israel o baro Debleskro dromestar tele. Koi chatchepaskri phagas lo tele, das lakre barra paash un kras len jaake tiknes, te wan le phubjakri tchik. Un i figura, hoi sikras i debletsa Ashera, chatchras lo pre.

2. Rajengro liil 23:27

Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”

Jeremia 23:39

palle djinenn, me hadau tumen pre har i pharo koowa, un witsrau tumen krik mandar, tumen un tumaro foro, hoi dom tumende un tumare phurende.

Jeremia 27:10

Kal menshe penenn tumenge chochepen. Te patsenn tumer lenge, wenn tumer dran tumaro them krik anlo. Me tradau tumen mandar krik, un tumer merenna.

Ropaskre gilja 1:8

Jerusalem anas doosh ap peste, doleske hi kau foro har i chatchedi djuwel. Halauter, kai hadan lat an o bolepen, praassenn lat kanna. Jon dikenn, har nango joi hi. Joi rowella un khatrell peskro mui.

Daniel 9:16

Ach, maro rai, kre pal tiro tselo tchatchepen! Un muk tiri choli pale te djal! Ab buder gar chojedo ap tiro foro Jerusalem un ap koi berga, kai tu djiwal. Mer un mare phure anam doosh ap mende un kram tchilatcho koowa. Un kolla lauter, kai djiwenn trul mende, praassenn doleske tiro fores Jerusalem un tire menshen.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.