Jeremia 32:29 - O Debleskro Drom 2021 (Sinte)

²⁹ Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

O Debleskro Lab 2024 (Sinte-Manouche)

²⁹ Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 32:29 ပူးပေါင်းရင်းမြစ်များ

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

2. Familjakro liil 36:19

Kol lurde dran o them Babilonia chatchran o baro Debleskro kheer un phagan o foreskre massurja tele. Un i tsele turme chatchran le i jagatar win. Un jaake was lengro tselo kutch koowa chatchedo an i jag un buder tchi moldo.

Nehemia 8:16

Kote djan i menshe win un anan kashta i patjentsa un kran penge patjengre khera. Un hakeno kras peske sau kheer, kol jek pral ap pengre khera, kol wawar pal pengre khera, ninna ap koi platsa glan o Debleskro kheer un ap i platse pash o Panjeskro Wudar un pash o Efrajimeskro Wudar.

Jesaja 22:1

Kate sikrell o Dewel, hoi pral i dikepaskri tala wella. Hoi djas tuha, Jerusalem? Hoske djan tumer lauter pral ap i khera?

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 21:10

Djinenn, man hi soreles glan, te anap bibacht pral kau foro, un wau gar ap leskri rig, penell o baro Dewel. Kau foro perell an o wast ko baro rajeske pral Babilonia. Kowa tchiwell jag ap leste un chatchrell les pre.

Jeremia 30:14

Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 32:3

Glan i tsiro stilas les o baro rai pral o them Juda, o Zedekja, doleske, kai penas o Jeremia glan-wi: Kowa penell o baro Dewel: Me dau kau foro an o wast o baro rajestar dran o them Babilonia, un job lell ko foro peske dren,

Jeremia 34:2

Koi penas o baro Dewel, kai o Israeleskro Dewel hi, ap o Jeremia: Dja pash o Zedekja, ko rajeste pral o them Juda, un pen leske: Kowa penell o baro Dewel: Me dau kau foro an o wast o baro rajestar dran o them Babilonia, un job chatchrell les tele.

Jeremia 39:8

Kol lurde dran Babilonia chatchran o baro rajeskro kheer un kol tsele menshengre khera an o foro Jerusalem, un dan o foreskre massurja tele.

Jeremia 44:25

Kowa penell o baro Dewel, ko rai pral o bolepen un i phub, kai o Israeleskro Dewel hi: Tumer un tumare romja penan: “Mer kamah mari sowel te rikrell, hoi mer i bolepaskri rajetsake dam, te chatchras sungepaskro koowa lake un te tchoras mool glan late win.” Un kowa kran tumer ninna. Palle mishto, palle rikrenn tumari sowel, un krenn, hoi dan lake sowel!

Jeremia 52:12

O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

Jeremia 52:13

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Jeremia 7:17

Dikeh tu gar, hoi jon krenna an kol forja an Juda un ap kol dromma an Jerusalem?

Jeremia 7:18

Kol tchawe rodenn kasht, kol dada krenn jag, i djuwja krenn merklia koi bolepaskri rajetsake. Un kol wawar deblenge anenn jon pipaske, te choirap me man koi pral.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ezekiel 23:47

Un palle witsrenn le len barrentsa mulo, un denn len pengre charentsa an kotja, un denn lengre mursh tchawen un lengre tchen mulo, un chatchrenn lengre khera.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Bičepangre 10:9

O wawar diwes, har jon pash o foro Joppe wan, djas o Petro ap o kheer pral pre, te mangell lo o Debles an. His chapaskro tsiro.

Hebrearja 3:16

Penenn mange: Koon his kolla, kai shunan o Debleskro rakepen, un kaman buder gar ap leskro drom te djal? Kolla his lauter, kai djan o Moseha win dran o them Egiptia.