Jeremia 32:17 - O Debleskro Drom 2021 (Sinte)

¹⁷ Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

O Debleskro Lab 2024 (Sinte-Manouche)

¹⁷ Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

Jeremia 32:17 ပူးပေါင်းရင်းမြစ်များ

1. Mose 18:14

Dell tchi, hoi o baro Dewel gar haiwella. Wawar bersh an kau tsiro, wau me pale pash tute. Koi hi lat i tchawo.”

2. Rajengro liil 19:15

un mangas o baro Debles un penas: “Baro Dewel, kai hal o Israeleskro Dewel, tu hal pral i bolepangre beshdo. Tu kokres hal o Dewel pral i tsele themma ap kai phub. Tu hal, kai kral o bolepen un i phub.

2. Rajengro liil 3:18

Kowa hi kek baro koowa o baro Debleske. Job dell ninna kol Moabarja an tumare wasta.

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.

Hiob 42:2

Me haiwom kanna, te nai kreh tu halauter. Un halauter, hoi kameh te krell, kowa kreh tu ninna.

Debleskri gili 102:25

Me penom: Mo Dewel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 136:12

Peskro sorelo wasteha kras lo kowa. Leskro latchepen atchella hako tsireske!

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 45:12

Me hom kowa, kai kras i phub, un ko menshes, kai ap late hi, ninna. Mire wastentsa krom o bolepen buchles, un kol tsele momlia ap leste penom me, kai le wenn.

Jesaja 59:1

Dik, o baro Debleskri mussi hi lengsto doha, te nai lell lo tumen dran o tchilatchepen win! Un leskre kanda hi gar pandlo, te nai shunell lo gar.

Jeremia 1:6

Un me penom: Baro Dewel, miro rai, me hom gar mishto doha te penap tiro lab. Me hom gar phuro doha.

Jeremia 14:13

Koi penom me: Baro Dewel, miro rai, tire rakepangre penan lenge: ‘Kek kurepen un kek bok well pash tumende. O baro Dewel krell, te well kek kurepen pash tumende an kek tsiro.’

Jeremia 21:2

“O Nebukadnezar, ko baro rai pral Babilonia was, te kurell lo pes mentsa, un hi peskre lurdentsa trul o foro Jerusalem tardo. Mange menge o baro Deblestar! Te kamell job, nai well lo menge peskri bari sorjah ap i rig, har job kowa budeder kope kras, jaake te hunte tserdell pes o Nebukadnezar pale.”

Jeremia 27:5

Miri bari sorjah krom kai phub un i menshen un viechen, kai ap i phub hi. Un me dau len, koneste kamau.

Jeremia 32:27

Dik, me, o baro Dewel, hom o Dewel pral i tsele menshende. Dell tchomone ap i phub, hoi nai krau gar?

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Jeremia 4:10

Koi penom me: Baro Dewel, miro rai, tu chochral kol menshen an Jerusalem an, har tu penal, kai kek kurepen mashkral lende well. O charo hi koi un kamell len mulo te dell.

Jeremia 51:15

Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Jeremia 51:19

Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Ezekiel 11:13

Un har rakrom kal laba win, hoi o Dewel man das, meras o Pelatja, koleskro dad o Benaja his. Un me mukom man ap i phub te perell, un dom bari gole: Baro Dewel, miro rai! Kameh tu halauteren mulo te dell, kai i Israelendar pral atchan?

Ezekiel 9:8

Un har le kowa kran, atchom me kokres ap i platsa glan o Debleskro kheer pale. Un mukom man ap i phub te perell, un dom pre gole un penom: Baro Dewel, miro rai! Hal tu jaake chojedo pral Jerusalem, te mukess halauteren mulo te dell, kai i Israelendar pral atchan?

Daniel 2:22

Job tchakrella pre un sikrell, hoi khatedo hi, un djinell, hoi an o tamlepen hi; pash leste hi kek tamlepen.

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Zakarie 8:6

O baro Dewel, ko rai pral o bolepen un i phub, penell: “Ninna te patsenn kolla i Israelendar, kai palle pral atchan: ‘Kowa nai well gar’, krau me, te well kowa jaake. Kowa penell o baro Dewel, ko rai pral o bolepen un i phub.”

4. Mose 11:23

O baro Dewel penas ap o Moseste: “Hi miro wast gar sorelo doha, te krap, hoi penom? Tu dikess kanna: Well kowa jaake, har me tuke penom? Well kowa jaake gar?”

Mateo 19:26

Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

Markus 10:27

Koi dikas o Jesus ap lende un penas: “Kowa, hoi nashte krenn i menshe gar, kowa nai krell o Dewel. O Dewel nai krell halauter.”

Louka 1:37

O Dewel nai krell halauter.”

Louka 18:27

Penas lo: “Kowa hoi i menshe nai krenn gar, kowa nai krell o Dewel.”

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 15:18

O Dewel krell kowa kanna, hoi job glan i rah tsiro penas.”

Bičepangre 17:24

Ko Dewel kras o bolepen un i phub, un lauter, hoi koi pre hi. Job hi o rai pral o bolepen un i phub. Job djiwell gar an i Debleskre khera, kai i menshe pengre wastentsa kran.

Debleskro tsiro 4:11

“Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”