Jeremia 31:38 - O Debleskro Drom 2021 (Sinte)

³⁸ Dik, penell o baro Dewel, o tsiro well, kai well o baro Debleskro foro Jerusalem newes kerdo. Leskri massuri djal fun ko turmo Hananel bis ap o wudar, kai i rigja khetne wenn;

O Debleskro Lab 2024 (Sinte-Manouche)

³⁸ Dik, penell o baro Devel, o tsiro vell, kay vell o baro Debleskro foro Yerusalem neves kerdo. Leskri massouri djal foun ko turmo Hananel bis ap o voudar, kay i rigya khetne venn;

Jeremia 31:38 ပူးပေါင်းရင်းမြစ်များ

2. Rajengro liil 14:13

Un o Joash tapras o Amazja pash o foro Bet-Shemesh un pandas les. Un o Joash djas dureder un was an o foro Jerusalem un phagas i massuri o forestar Jerusalem dren ap dui-sheel metarja lengstepen: mank o wudar Efrajim un o wudar, kai i rigja khetne wenn.

2. Familjakro liil 26:9

Un o Usija kras turme an o foro Jerusalem pash ko wudar, kai i rigja khetne wenn, un pash o Telstuno Wudar un pash i bangi ekka.

Nehemia 2:17

Kanna penom ap lende: “Tumer dikenn kai bibacht, an kalate mer ham: o tselo foro Jerusalem hi paash dino koi tchiddo. Un leskre wudja hi tele chatchedo. Awenn, te tchiwas mer i massurja trul o foro Jerusalem pale pre, jaake te nai praassenn le men gar buder.”

Nehemia 3:1

Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

Debleskri gili 102:17

O baro Dewel tchiwell o foro Zion pale pre, un mukell pes te dikell an peskro railepen.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 30:18

Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

Jeremia 31:27

Dik, ko tsiro well, penell o baro Dewel, kai dau o khereske Israel un o khereske Juda pale bud menshen un viechen.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Zakarie 2:6

Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”