Jeremia 31:36 - O Debleskro Drom 2021 (Sinte)

³⁶ Job, o baro Dewel, penell: Jaake har tchatcho hi, kai nashrau gar miri soor an o bolepen un ap i phub, jaake hi tchatcho, kai atchenn i Israelitarja i natsjona glan mande hako tsiro.

O Debleskro Lab 2024 (Sinte-Manouche)

³⁶ Yob, o baro Devel, penell: Yaake har čačo hi, kay nashrau gar miri zoor an o bolepen oun ap i phoub, yaake hi čačo, kay ačenn i Israelitarya i natsyona glan mande hako tsiro.

Jeremia 31:36 ပူးပေါင်းရင်းမြစ်များ

Hiob 38:33

Prindjreh tu kol laba, ap kolende o bolepen shunell? Peneh tu leske, har te well lo rai pral i phub?

Debleskri gili 102:28

Tu atcheh jaake har tu hal, un djiweh hako tsiro.

Debleskri gili 119:89

Baro Dewel, tiro lab atchella hako tsireske, un hi soreles tardo an o bolepen.

Debleskri gili 148:6

Job tchiwas len ap pengro drom. Un kote atchenn le hako tsireske. Job penas lenge, har dur nai djan le, un jon nai stakrenn gar wergel.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Debleskri gili 72:5

Muk les te djiwell jaake rah har o kham un o tchon ap o bolepen hi, un jaake rah har menshe ap i phub hi!

Jesaja 65:9

O Jakobestar wenna pale menshe, un dran Juda wenna sawe, kai ap mire berge djiwenna. Kolen, kai me win rodom, lenge well o them, un mire budepangre djiwenn kote.

Jeremia 46:28

Doleske, ma traash, Jakob, miro budepaskro, penell o baro Dewel. Me hom pash tute. Kol tsele natsjone, kai me tut tradom, mukau gar te djiwell. Tut mukau te djiwell. Dawa hunte dap tut, har tuke mishto hi. Kek dawentsa nai mukau tut gar.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”