Jeremia 31:30 - O Debleskro Drom 2021 (Sinte)

³⁰ Na-a, koon shutle drake chal, koleske dukenn leskre danda. Kowa kamell te penell: Hakeno merell peskri doshake.

O Debleskro Lab 2024 (Sinte-Manouche)

³⁰ Na-a, koon shoutle drake rhal, koleske doukenn leskre danda. Kova kamell te penell: Hakeno merell peskri doshake.

Jeremia 31:30 ပူးပေါင်းရင်းမြစ်များ

2. Rajengro liil 14:6

Lengre tchawen mukas lo gar te marell. Job kras har tchinlo hi an o Moseskro liil, kai o baro Dewel penell: I dada hunte wenn gar marede dran koi doosh, hoi i tchawe ap pende anan. Un i tchawe hunte wenn gar marede dran koi doosh, hoi i dada ap pende anan. Hakeno hunte well kokres koleske maredo, hoi job kras.

Hiob 21:20

un dikell peskre jakentsa peskri bibacht, un haiwell kokres, har kowa hi, te well o sorelo Debleskri choli ap leste.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Ezekiel 18:20

Kokres kowa, kai doosh ap peste anell, hunte merell. I tchawo hunte hidjrell gar i doosh peskro dadestar. Witar gar hunte hidjrell o dad koi doosh, hoi o tchawo ap peste anas. Kowa, kai o tchatchepen kras, ap leste well leskro tchatchepen pale. Un kowa, kai doosh ap peste anas, ap leste well leskri doosh pale.

Ezekiel 18:4

Djinenn, man hi o djipen hakenestar an miro wast – o dadeskro djipen jaake har o tchaweskro djipen. Kokres kowa, kai anell doosh ap peste, hunte merell.

Ezekiel 3:24

Kote was i soor o Deblestar an mande dren, un tchiwas man ap mire herja. Un o baro Dewel penas ap mande: Tu mensho, dja an tiro kheer un pande tut dren!

Ezekiel 33:13

Te penau me ap i latcho un tchatcho mensho: Tu djiwess! Un job patsell, kanna nai djal leske tchi, un krell o tchilatchepen, palle well ko tselo tchatchepaskro koowa bistedo, hoi lo kras. Un job merell peskro tchilatchepaske, hoi job kras.

Ezekiel 33:18

Te mukell kowa, kai latcho un tchatcho his, peskro latcho drom un krell o tchilatchepen, palle merell lo doleske.

Ezekiel 33:8

Te penau me ap i tchilatcheste: Tu tchilatcho, hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

Galatarja 6:5

Hakenes hi doha an peskro djipen, hoi hunte hidjrell lo.

5. Mose 24:16

I dada wenn gar maredo koleske, hoi lengre tchawe kran. Un i tchawe wenn gar maredo koleske hoi lengre dada kran. Hakeno, kai kras sawo tchilatcho koowa, koleske job merell hunte, kowa well peskri doshake maredo.

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.