Jeremia 31:3 - O Debleskro Drom 2021 (Sinte)

³ O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

O Debleskro Lab 2024 (Sinte-Manouche)

³ O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

Jeremia 31:3 ပူးပေါင်းရင်းမြစ်များ

1. Rajengro liil 10:9

Sharedo well o baro Dewel, kai tiro Dewel hi, job, kai dikell latches ap tute, un kras te wal o rai pral o Israel! O baro Dewel kamell peskre menshen Israel an hako tsiro. Doleske tchiwas lo tut pral lende, te wess lengro rai, te aness o tchatchepen pash lende, un hakeno peskro tchatchepen lell.”

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 25:6

Miro baro Dewel, ma biste tiro kamlepen un tiro latchepen, hoi hako tsiro ap tire menshende sikral.

Kamlepaskri gili 1:4

Le miro wast, tradas men! Miro pirno mu anell man khere pash peste! Mer kamah khetne te sanell un bachteles te well. Tiro kamlepen hi mange shukeder har mool. Kol tchen hi tchatcho, kai tut kamenna.

Jesaja 43:4

Tu hal mange jaake kutch un bud moldo, un kamau tut o tselo djijestar, te dap menshen tuke koi, un dau themma koi, te nai djiwess tu.

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Jesaja 49:14

I menshe dran Zion penenn: O baro Dewel mukas men. Maro rai bistras men.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Hosea 11:4

Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

Maleachi 1:2

“Me kamau tumen o djijestar”, penell o baro Dewel. Tumer penenn mange koi pre pale: “Har dikah mer kowa, kai tu kameh men?” “Hi gar o Esau un o Jakob phrala?” penell o baro Dewel. “Un me kamau o Jakobes,

Remarja 8:30

Kolen job win rodas, kolen das lo ninna gole, te djiwenn le leha khetne. Un kolen, kai job gole das, kolen tchiwas lo an o tchatchepen. Un kolen, kai job an o tchatchepen tchiwas, kolen kras lo ninna erligo, te djiwenn le leha khetne an leskro railepen.

Remarja 9:13

Jaake hi kowa an o Debleskro lab tchinlo: Me kamom o Jakobes. O Esaes kamom gar.

5. Mose 10:15

Tumare phuren kamas lo o djijestar. Un tumer, kai lendar wan, rodas lo peske win mank i menshende dran an i tsele wawar themma. Un ninna kau diwes han tumer leskre wi-rodede menshe.

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

5. Mose 33:3

O baro Dewel kamell peskre menshen o djijestar. Job rikrell peskro wast pral halauterende, kai leske hi. Jon beshenn pen pash leskre pire, un shunenn ap leskre laba.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

1. Johanni 4:19

O Dewel kamas men o djijestar. Doleske kamah mer o Debles un i menshen ninna.