Jeremia 31:25 - O Debleskro Drom 2021 (Sinte)

²⁵ Kolen, kai khino hi, dau me pale soor, un kolen kai bokenna, dau doha te chal.”

O Debleskro Lab 2024 (Sinte-Manouche)

²⁵ Kolen, kay khino hi, dau me pale zoor, oun kolen kay bokenna, dau doha te rhal.”

Jeremia 31:25 ပူးပေါင်းရင်းမြစ်များ

Debleskri gili 107:9

Kolen, kai his len trush, das lo doha te pijell, un kolen, kai his len bok, das lo bud latcho chapen.

Debleskri gili 23:3

Job dell miro djipen newi soor. Job anell man ap o tchatcho drom, jaake har job peskro lab koi pre das.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 40:29

Job dell kolen, kai khino wan, newi soor. Un an kolende, kai kek soor buder hi, dell lo newo djipen.

Jesaja 41:17

Kolla, kai tchorwele hi, un kolen gar doha hi djipaske, rodenn pal pani, un dell kek. Un len hi bari trush. Me, o baro Dewel, shunau ap lende, me, o Israeleskro Dewel, mukau len gar.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Jeremia 31:14

I rashaja wenn pale tchalo o feteder massestar. Un mire menshenge dau budeder har doha chapaske, penell o baro Dewel.

Ezekiel 34:14

Kote, kai latcho senlepen hi, anau len. Ap latche platse pral ap i berge an Israel nai tchiwenn le pen tele un chan pen tchalo.

Mateo 11:28

Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

Mateo 5:6

Bachtele hi kolla, kai kanna pal o tchatchepen bokenna un trushenna. O Dewel krell len tchalo.

Louka 1:53

Kolen, kai bok his, das job te chal. Un kol brawelen bitchras lo krik. Un jon nai lan tchi peha.

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

2. Korintarja 7:6

Kolen buder kek soor hi, kolen dell o Dewel newi soor. Un job das men newi soor an o dji, har was o Tito pash mende.