Jeremia 31:21 - O Debleskro Drom 2021 (Sinte)

²¹ Tu terni tchai Israel, muk tuke an o shero te well, hawo drom tu djal, har djal an o pandepen. Ap kau drom djas pale khere an tire forja! Tchip barra pre pash o drom, hoi sikrenn tute, har te djas!

O Debleskro Lab 2024 (Sinte-Manouche)

²¹ Tou terni čay Israel, mouk touke an o shero te vell, havo drom tou djal, har djal an o pandepen. Ap kava drom djas pale khere an tire forya! Čip barra pre pash o drom, hoy sikrenn toute, har te djas!

Jeremia 31:21 ပူးပေါင်းရင်းမြစ်များ

1. Familjakro liil 29:3

Te krap o kheer miro Deblestar jaake shukar har djala, dau ninna dran miro brawlepen

2. Familjakro liil 11:16

Un kol menshe, kai rodan pengro tselo djijeha o baro Debles, kai o Israeleskro Dewel hi, jon kran jaake har i Levitarja kran, un wan dran o tselo them Israel un djan an o foro Jerusalem, te chatchrenn le viechen o baro Debleske, kai o Dewel lengre phurendar hi.

2. Familjakro liil 20:3

Kote was i traash pral o Josafat, un job kamas o baro Debles te mangell, te well lo ap lengri rig. Jaake mukas lo i tsele menshenge an o them Juda te penell, te chan le tchi buder.

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

Debleskri gili 84:5

Bachteles hi kolla, kai djiwenn an tiro kheer. Hako tsiro hadenn le tut.

Gosewe laba 24:32

Un me dikom kowa, un mukom les an miro dji te djal; un kowa sikras mange:

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Jesaja 57:14

O baro Dewel penell: Krenn o drom! Krenn o drom! Krenn mire menshenge o drom! Lenn halauter krik, hoi lenge ap o drom tchiddo hi!

Jesaja 62:10

Murshale an o foro Jerusalem, djan win dran o foreskre wudja! Djan win! Krenn i drom i menshenge, kai khere wenn! Krenn o drom tchatcho! Lenn kol barra krik! Krenn ko drom djudjo! Hadenn i sikepen pre i menshenge dran wawar themma!

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Jeremia 3:14

Awenn pale, tumer tchawe, kai nashan mandar krik, penell o baro Dewel. Me hom tumaro rai. Me kamau tumendar te lell jekes dran hako foro un dui dran haki familja, un kamau tumen an Zion te anell.

Jeremia 31:4

Israel, miri pirni! Me krau tut pale baro. Tutar well pale i natsjona. Tu kress tut pale shukar, bashress un djas win ap o khelepen.

Jeremia 46:11

Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Jeremia 51:50

Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Jeremia 51:6

Nashenn sik dran o foro Babilon, nashenn tumaro djipaske! te djan gar halauter tele an koi doosh, hoi kau foro ap peste anas! Kowa hi o baro Debleskro tsiro, kai dell lo i Babilonarjen ko tchilatchepen pale, hoi kolla kran.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Haggai 1:5

Doleske penell o baro Dewel, ko rai pral o bolepen un i phub: Denn garda har tumenge djala:

Zakarie 10:9

Me tradom len mank i menshende an dur themma, te wap lenge kote an o shero, te nai djiwenn le, jon un lengre tchawe, un pale khere wenna.

5. Mose 32:46

Denn jak ap kal tsele laba, hoi tumenge kau diwes penom. Penenn len ninna tumare tchawenge, un denn len trad, te rikrenn le pen ap kol tsele tchatchepaskre laba, un djiwenn pal lende.