Jeremia 31:1 - O Debleskro Drom 2021 (Sinte)

¹ O baro Dewel penell: An ko emligo tsiro hom me o Dewel o tselo Israeleskre familjenge, un jon hi mire menshe.

O Debleskro Lab 2024 (Sinte-Manouche)

¹ O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.

Jeremia 31:1 ပူးပေါင်းရင်းမြစ်များ

2. Samuel 7:24

Tu rodal tuke kol menshen Israel win, te wenn jon tire menshe hako tsiro, un tu, baro Dewel, wal lengro Dewel.

Debleskri gili 144:15

Bachteles hi kol menshe, kolenge jaake djala! Awa, bachteles hi kol menshe, kolengro Dewel o baro Dewel hi!

Debleskri gili 48:14

Denn jak ap i pre-tchidde barra trul o foro un i sorele khera an o foro, jaake te nai penenn kowa tumare tchawenge.

Jesaja 20:6

Palle penenn kolla, kai pash o baro pani djiwenn: Hi kolla kal menshe, pash kolende nasham, te lenn le men win dran i wasta o baro rajestar pral Assur? Koon nai lell men kanna gomme koi win?

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 30:22

Tumer han mire menshe, un me hom tumaro Dewel.

Jeremia 30:24

O baro Debleskri choli mukell gar tele, bis te kras lo, hoi les glan hi. I tsiro well, kai haiwenn tumer kowa.

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 32:38

Jon hi mire menshe, un me hom lengro Dewel.

Jeremia 33:14

Tchatchepah, penell o baro Dewel, ko tsiro wella, kai mukau ko latcho lab tchatches te well, hoi me penom ap o khereste Israel un ap o khereste Juda.

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Jeremia 50:4

An kol diwessa un ap ko emligo tsiro, penell o baro Dewel, wenn kol menshe dran o them Israel, khetne kol menshentsa dran o them Juda un djan trujel o ropah, un rodenn man, pengro Debles.

Ezekiel 11:20

Palle krenn le, hoi lendar kamau, un djiwenn pal mire tchatchepaskre laba. Un jon hi mire menshe, un me hom lengro Dewel.

Ezekiel 34:24

Un me, o baro Dewel, wau lengro Dewel. Un ko mursh, kai hi har miro budepaskro, o David, well o rai mank lende. Kawa penau me, o baro Dewel.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 36:28

Un tumer djiwenn an kau them, hoi dom tumare phurende, un han mire menshe, un me hom tumaro Dewel.

Ezekiel 39:22

Un an ko tsiro dikenn un haiwenn i Israelitarja, te hom me o baro Dewel, lengro Dewel, un bistrenn kowa buder gar.

Ezekiel 39:25

Kanna krau, penell o baro Dewel, maro rai, te well lauter pale mishto o Jakobeske, un krau miro dji pre o tselo khereske Israel. Miro tselo djijeha krau, te well buder gar djungeles rakedo pral mande.

3. Mose 26:12

Me djiwau pash tumende, un hom tumaro Dewel, un tumer han mire menshe.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

Hebrearja 12:16

Denn garda, te krell kek tumendar wi-ladjedo koowa, witar gar, te djiwell jek har o Esau, koleske o Debleskro latchepen tchi moldo his! Job his o phureder tchawo, un les hi o tchatchepen, te lell lo peskro dadeskro brawlepen pal koleskro merepen. Was i diwes, kai was les bok, un job bikras ko tchatchepen, te lell lo i tcharo latcho chapen.