Jeremia 30:8 - O Debleskro Drom 2021 (Sinte)

⁸ O baro Dewel, ko rai pral o bolepen un i phub penell: An ko tsiro phagau ko kasht, hoi hi trul lengre menja, un lau i shelle tele, hoi rikrenn len pandles. Jon hunte budrenn buder gar wawar menshenge,

O Debleskro Lab 2024 (Sinte-Manouche)

⁸ O baro Devel, ko ray pral o bolepen oun i phoub penell: An ko tsiro phagau ko kasht, hoy hi troul lengre menya, oun lau i shelle tele, hoy rikrenn len pandles. Yon hounte boudrenn bouder gar vavar menshenge,

Jeremia 30:8 ပူးပေါင်းရင်းမြစ်များ

Debleskri gili 107:14

un anas len win dran i kali rat, kai kek momeli his, un kras lengre sasterne shelle pre.

Jesaja 10:27

Ap ko diwes lau tumen win dran i wasta kolendar dran o them Assur, te nai rikrenn le tumen buder gar tele. Palle han buder gar lengre pandle budepangre. I lurde dran o them Assur djan pre an Rimmon,

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jesaja 14:25

Me dau i Assirjen an miro them, ap mire berge stakrau len khetne, te nai rikrenn le buder gar mire menshen tele, un krenn lenge buder gar i pharo djipen.

Jesaja 14:3

Un an ko tsiro lell o baro Dewel i Israelitarjen win dran lengre duka un lengro ropen un lengri phari budi, hoi jon hunte kran.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 25:14

Awa, ninna i Babilonarja wenn budepangre un hunte budrenn i menshenge an bud themma un lengre sorele bare rajenge. Jaake dau len pale, hoi jon ap mire menshende kran. Jaake lenn le pengri phagi.

Jeremia 27:2

O baro Dewel penas ap mande: Kre tuke i kasht un tchip les ledertikre dorjentsa trul tiri meen, har i kasht trul i grumjakri meen tchiddo well!

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Jeremia 28:10

Koi las o rakepaskro, o Hananja, ko kasht tele, hoi his o Jeremijes trul i meen, un phagas les an kotja.

Jeremia 28:13

“Dja pash o Hananja un pen leske: Kowa penell o baro Dewel: Tu phagal i kasht. Kanna well i saster kote, kai o kasht his.

Jeremia 28:4

Ninna anau o baro rajes pral Juda pale an kau foro, o Jekonja, koleskro dad o Jojakim his, khetne kol tsele menshentsa, kai dran o them Juda an o them Babilonia pandles anlo wan. Awa, phagau i soor o baro rajestar dran Babilonia. Kowa penell o baro Dewel.”

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

Nahum 1:13

Kanna phagau koi soor, hoi i Assirjen pral tumende hi, – koi soor, hoi har ko kasht hi, hoi i grumjat trul peskri meen hi. Un kol shelle, hoi pandenn tumen, tchinau paash.