Jeremia 30:12 - O Debleskro Drom 2021 (Sinte)

¹² O baro Dewel penell: Tiro tchinepen hi djungelo, tiro dukepen nai krell kek mensho sasto.

O Debleskro Lab 2024 (Sinte-Manouche)

¹² O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 30:12 ပူးပေါင်းရင်းမြစ်များ

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 14:19

Dal tu kol menshen an Juda pre? Kameh tu o forestar Zion tchi buder djinell? Hoske dal tu men jaake, kai nai krell men kek buder sasto? Mer patsam, kai well lauter mishto. Tchi was mishto! Mer kamam, te well i tsiro, kai kowa, hoi an mende nasselo hi, sasto wals. Kowa was gar. I daar was.

Jeremia 15:18

Hoske wenn mire duka gar sasto? Hoske hi miro dukepen jaake djungelo, te well lo gar sasto? Tu wal mange har i brunna, kai an o nijale kek pani dren hi.

Jeremia 30:15

Hoske deh tu gole pral tiro phagepen? Kowa, hoi tuke duka krell, nai krell kek sasto. Tiri doosh hi baro, un tiro tchilatcho koowa hi bud. Doleske dom tut kai phagi.

Jeremia 6:7

Jaake har dran i brunna o pani wella, jaake well dran o foro o tchilatchepen. I gole kolendar, kai wenn sorjah tele rikedo un dukedo, shunau. Menshe lenn glan mande dawa un wenn maredo.

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Ezekiel 37:11

Un job penas ap mande: Tu, mensho, i Israelitarja hi har kal mule kokale. Kanna penenn le: “Mare kokale hi truk, un halauter hi nashedo, mentsa hi trujel.”

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Micha 1:9

O dukepen o forestar Samaria nai well gar sasto. Koi bibacht well ninna an o them Juda, un taprell o foro Jerusalem, ko foro mire menshendar.

Nahum 3:19

Tchi hi, hoi tiro dukepen sasto nai krell! Ko dukepen, hoi tu lal, ap koleste hunte meress. Lauter kolla, kai tutar shunenn, denn i wasta pral o shero khetne. Kek hi koi, ap koleste gar pale te pale tchilatcho hals.