Jeremia 3:7 - O Debleskro Drom 2021 (Sinte)

⁷ Un me patsom, har joi kowa lauter kras, well joi pash mande pale. Kowa kras joi gar. Lakri pheen, i Juda, kai man ninna chochras, dikas,

O Debleskro Lab 2024 (Sinte-Manouche)

⁷ Oun me patsom, har yoy kova lauter kras, vell yoy pash mande pale. Kova kras yoy gar. Lakri pheen, i Youda, kay man ninna rhorhras, dikas,

Jeremia 3:7 ပူးပေါင်းရင်းမြစ်များ

2. Familjakro liil 17:4

O Josafat rodas o Debles peskre phurendar, un djiwas pal o Debleskre laba, – un gar jaake har i bare raja pral Israel djiwan.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 33:24

Shunal tu, hoi kal menshe rakran: “I menshe dran kol dui khera, dran o kheer Juda un dran o kheer Israel, kolen o baro Dewel peske win rodas, kolendar kamell lo buder tchi te djinell.” Un jon dikenn tele ap mire menshende. An lengre jaka hi jon buder kek natsjona.

Jeremia 5:11

Jon sikran mange o dumo, penell o baro Dewel, kol menshe an Israel un kol menshe an Juda.

Ezekiel 16:46

Tiri phureder pheen hi i Samaria peskre tchentsa, kolla ap i serwi rig tutar djiwenn. Un tiri tikni pheen, hoi ap i tchatchi rig tutar djiwell, hi i Sodom peskre tchentsa.

Ezekiel 16:47

Tuke his gar doha, te djas ap lengre tchilatche dromma, un te kress ko djungelo koowa, hoi jon kran! Na-a, tu wal gomme tchilatcheder har jon, un kral gomme djungleder koowa har jon kran.

Hosea 11:7

Mire menshe atchenna krik mandar, un kamenn gar pash mande te well. Ninna te wenn le pash mande, o pralstuneste, hadenn le man gar.

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Amos 4:8

Un i menshe dran dui, triin forja djan an i wawar foro, te hatsenn le pani. Un kote his gar doha lenge. Ninna palle wan tumer gar pale pash mande, penell o baro Dewel.

Maleachi 2:11

I menshe dran Juda phagan pengri sowel, hoi dan le pengro Debleste. Un an o them Israel un an o foro Jerusalem djal djungelo koowa, hoi i menshen pale-tchiddo krell. I mursha an Juda romedineran djuwjen, kai wawar deblen an-mangenna. Un jaake kran le o kheer pale-tchiddo, kai o baro Dewel djiwell, un hoi lo kamell.