Jeremia 3:5 - O Debleskro Drom 2021 (Sinte)

⁵ Kameh tu hako tsiro chojedo atchell un tchilatches ap mande te dikell?’ Jaake rakreh un kreh tchilatchepen, un mukeh tuke tchi te penell.

O Debleskro Lab 2024 (Sinte-Manouche)

⁵ Kameh tou hako tsiro rhoyedo ačell oun čilačes ap mande te dikell? Yaake rakreh oun kreh čilačepen, oun moukeh touke či te penell.

Jeremia 3:5 ပူးပေါင်းရင်းမြစ်များ

2. Familjakro liil 29:10

Kanna hi man an o shero, te pandap man ap o baro Debleste, ko Dewel pral o Israel, te djal peske leskri choli mendar, hoi jaake sorelo ap mende tchiddo hi.

Debleskri gili 85:5

Maro Dewel, kai tu lauter menge mishto kreh, ab ninna kanna ap mari rig! Muk tele tiri choljatar, hoi tut ap mende hi!

Debleskri gili 85:6

Kameh i tsele tsirja ap mende chojedo te atchell? Mukeh tu buder gar tiri choljatar tele?

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jesaja 64:9

Tire forja wan har i mulo them. O foro Jerusalem hi paash dino un i berga Zion muklo.

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Jeremia 8:6

Me dikau un shunau, kai rakrenn jon gar o tchatchepen. Koi hi kek, kai khaitell les hawo tchilatchepen job kras. Kek putchella: Hoi krom me? Hakeno nashella dureder ap peskro drom, har i grai an o kurepen.

Ezekiel 22:6

I pralstune pral Israel, kai djiwenn an tumaro foro, krenn har te wals len jaake bud penepaske, te nai marenn le menshen.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.