Jeremia 3:18 - O Debleskro Drom 2021 (Sinte)

¹⁸ Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

O Debleskro Lab 2024 (Sinte-Manouche)

¹⁸ Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Jeremia 3:18 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

Jesaja 43:5

Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

Jesaja 43:6

Ap i rajende pral i themma, hoi hi serwes un tchatches tutar, penau: De kai! Ma rike len pale! Anenn mire tchawen un tchen fun dural, anenn len dran i palstune themma i phubjatar!

Jeremia 16:15

Na-a, jon penenna: … pash o djido Debleste, kai las kol Israelitarjen win dran ko them, hoi kote tchiddo hi, kai norden hi, ninna dran kol tsele wawar themma, kai job len tradas. Tchatchepah, me kamau len pale anell an ko them, kai dom lengre phurende.

Jeremia 23:8

Na-a, jon penenna: … pash o djido Debleste, kai las i Israelitarjen win dran ko them, hoi kote tchiddo hi, kai norden hi, ninna dran kol tsele wawar themma, kai job len tradas. Palle djiwenn jon pale an pengro them.

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Jeremia 31:8

Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

Jeremia 50:4

An kol diwessa un ap ko emligo tsiro, penell o baro Dewel, wenn kol menshe dran o them Israel, khetne kol menshentsa dran o them Juda un djan trujel o ropah, un rodenn man, pengro Debles.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Jeremia 7:7

Palle kamau me hako tsiro pash tumende djiwell ap kai platsa, an kau them, hoi me tumare phurende dom.

Ezekiel 11:17

Me, o baro Dewel, lengro rai, lau len khetne dran kol tsele themma un natsjone, an kolende jon tradedo wan, un dau len o them Israel pale.

Hosea 2:2

Palle wenn i menshe dran o them Juda un i menshe dran o them Israel khetne. Un khetne rodenn le penge jek pralstunes win, te well lo o rai pral lende. Un jon djiwenna an o tselo them. Hawo baro diwes well ko diwes, kai djal jaake, har o lab Jesreel kharell!

Amos 9:15

Me anau mire menshen pale an lengro them, hoi lende dom. Un kek nai tserdell len dran lengro them win. Kowa penell tumaro baro Dewel.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Zakarie 2:6

Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”