Jeremia 3:16 - O Debleskro Drom 2021 (Sinte)

¹⁶ Un an ko tsiro, kai wan tumer bud menshe, un djiwenn an o tselo them, koi penell buder kek tumendar: ‘Anenn o Debleskro mochton, te well o baro Dewel pash mende.’ Kekeske well kowa an o shero, kek putchell koi pal, un tumenge hi jek, kai hi lo krik. Un kek krell i newo. Ko penell o baro Dewel.

O Debleskro Lab 2024 (Sinte-Manouche)

¹⁶ Oun an ko tsiro, kay van t'mer boud menshe, oun djivenn an o tselo them, koy penell bouder kek t'mendar: Anenn o Debleskro morhton, te vell o baro Devel pash mende. Kekeske vell kova an o shero, kek poučell koy pal, oun t'menge hi yek, kay hi lo krik. Oun kek krell i nevo. Ko penell o baro Devel.

Jeremia 3:16 ပူးပေါင်းရင်းမြစ်များ

Jesaja 60:22

Ninna dran tiri tikneder familja wenn jek sero menshe. Un i familjatar, hoi gar an-diklo hi, well i soreli natsjona. Me, o baro Dewel, krau kowa peskro tsireske sik.

Jesaja 61:4

Kol phure forja, hoi jaake rah tele phagedo un paash dino koi tchiddo hi, tchiwenn jon pale pre. Kal forja, kai bud bersha buder kek djiwell, wenn pale newes kerdo.

Jesaja 65:17

Tchatchepah, me krau i newo bolepen, un i newi phub. Un ko phuro bolepen un koi phuri phub hi palle bistedo, un wenn buder gar i menshenge an o shero.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Jeremia 30:19

Un i menshe, kai djiwenn kote, giwenn sharepaskre gilja, un denn gole i bachtjatar. Un me dau len bud tchawe, te wenn le budeder. Me krau len railes un bares un gar tikneder.

Jeremia 31:27

Dik, ko tsiro well, penell o baro Dewel, kai dau o khereske Israel un o khereske Juda pale bud menshen un viechen.

Jeremia 31:8

Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Jeremia 7:4

Ma patsenn kol chochene laba, te penenn jon: ‘Kate hi o baro Debleskro kheer, kai djiwell lo. Awa, kate hi o baro Debleskro kheer!’

Ezekiel 15:5

Na-a! Har his ko kasht gomme tseles, nai kras kek tchomone lestar. Kanna, kai hi lo chatchedo, hi lo budeder tchi-moldo.

Ezekiel 37:26

Un me pandau miro dji ap lende, un krau lentsa win, te nai djiwenn le an o latchepen. Kowa te atchell hako tsireske jaake. Un me mukau len bud te well, un krau lendar i soreli natsjona. Un miro kheer atchell mashkral lende hako tsireske.

Amos 9:9

Me rakrau un kowa djal jaake: Jaake har djob an i sieba pal hake rigja witsedo well, un i djoba win perenn, un i barra dren atchenn, jaake krau, te well o kheer Israel pal hake rigja witsedo an kol themma, kai le tradedo wan.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Mateo 1:11

Koleskre tchawe his o Jojachin un leskre phrala. Ap ko tsiro wan i Israelitarja pandlo, un wan an o them Babilonia anlo.

Mateo 3:9

Ma penenn: O Abraham hi maro dad! Me penau tumenge: O Dewel nai krell dran kal barra o Abrahameskre tchawen.