Jeremia 29:23 - O Debleskro Drom 2021 (Sinte)

²³ Koi phagi was ap lende doleske, kai kran le i wi-ladjedo koowa an Israel, un lan penge romjen, kai romedino hi, un penan an miro lab tchomone glan-wi, hoi chochepen his, hoi me lenge gar an o mui tchiwom. Me djinau, hoi le kran, me dikom les, penell o baro Dewel.

O Debleskro Lab 2024 (Sinte-Manouche)

²³ Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Jeremia 29:23 ပူးပေါင်းရင်းမြစ်များ

1. Mose 31:50

Te hal tu tchilatcho ap mire tchende un te leh tu wawar romjen, djiness, o Dewel dikell kowa, ninna te djinau me kowa gar.”

1. Mose 34:7

Har o Jakobeskre tchawe khere wan un shunan, hoi o Sichem kras, dukas kowa len an o dji un len was i bari choli pral o Sichem. Job kras tchomone, hoi te well gar kerdo un anas bari ladj pral o Israel.

2. Samuel 13:12

Joi penas ap leste: “Ma kre kowa, miro phraal! An kek ladj pral mande! Sawo koowa krell kek an Israel! Kre gar sawo wi-ladjedo koowa!

Gosewe laba 5:21

O baro Dewel dikell, har hakeno djiwell. Kowa, hoi hakeno krella, djinell lo.

Jeremia 13:27

Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?

Jeremia 16:17

Mire jaka dikenn halauter, hoi jon krenna. Jon nai khatrenn pen gar glan mande. Lengri doosh hi glan mire jaka tardo.

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Jeremia 23:16

Kowa penell o baro Dewel, ko rai pral o bolepen un i phub: Ma shunenn ap i laba, hoi kol rakepangre penenn! Jon chochenn tumen, un rakrenn pral dikepen, hoi well dran lengre djia un gar o baro Deblestar.

Jeremia 23:21

[O baro Dewel penell:] Ninna te bitchrom me kal rakepangren gar, nashenn le pash tumende. Ninna te rakrom gar lentsa, penenn le laba glan-wi.

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

Jeremia 29:21

Kowa penell o baro Dewel, ko rai pral o bolepen un i phub, kai o Israeleskro Dewel hi: O Ahab, koleskro dad o Kolaja his, un o Zidkija, koleskro dad o Maaseja his, kolla dui rakran chochepen ap tumende an miro lab. Doleske dau len an i wasta o baro rajestar Nebukadnezar dran Babilonia. Kowa mukell len mulo te dell glan tumare jaka.

Jeremia 29:31

Bitche i liil ap i tsele Israelitarjen, kai wan anlo an o them Babilonia, un muk lenge te penell: Kowa penell o baro Dewel pral o Shemaja dran o foro Nehelam: O Shemaja das glan, te hi lo miro rakepaskro, un me bitchrom les gar. Job kras, te patsan tumer leskro chochepen.

Jeremia 5:8

Hakenes hi chantch ap kol wawareskri romjate har i grai, kai diwjo hi pal haki djuwjate.

Jeremia 7:11

Kau kheer, hoi mange kerdo was, hi kawa tumenge i kheer, kai i tchorepangre pengro tchoredo koowa khatrenn? Mishto, palle dikau me kowa ninna jaake, penell o baro Dewel.

Ezekiel 35:13

Jaake phurdan tumen pre, un tumaro baro mujeha hadan tumen pral mande. Me shunom halauter.

Zefanja 3:4

Lengre dikepangre krenn, har te well tchi, un hi pherdo chochepen. Lengre rashaja krenn sawo koowa, hoi krell o Debleskro kheer pale-tchiddo, un penenn o Debleskro lab gar tchatches dureder.

Maleachi 2:14

Un tumer putchenn: ‘Hoske lell lo tchi mendar?’ Djiness! O baro Dewel his pashel, har tu romedineral tiri romni har terno hals. Un tu lal tuke i wawar un chochral tiri romjat, ninna te his li koja, kai tuha djiwas. Un tu phagal tiro lab, hoi lake dal glan o Debleste.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Hebrearja 4:13

O Dewel dikella lauter. Tchi an mende hi khatedo glan leskre jaka. Lauter hi pre tchakedo glan leste. Un leske hunte penas mer halauter, hoi kram.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.

Debleskro tsiro 3:14

“Tchin kau liil ap o Debleskro budepaskro, kai dell jak ap i patslende an o foro Laodicea: Kawa penell kowa, kai kharell Amen, un penell hako tsiro o tchatchepen, un sikrell i menshende o tchatcho drom pash o Debleste. Job his koi pashel, har o Dewel lauter kras.

Čačepangre 11:10

Un i phureder dran Gilead penan ap leste: “O baro Dewel shunas, hoi mer penam. Mer krah tchatchepah har tu penal.”