Jeremia 29:13 - O Debleskro Drom 2021 (Sinte)

¹³ Tumer rodenn man un hatsenn man. Te rodenn man tumaro tselo djijeha,

O Debleskro Lab 2024 (Sinte-Manouche)

¹³ T'mer rodenn man oun hatsenn man. Te rodenn man t'maro tselo djiyeha,

Jeremia 29:13 ပူးပေါင်းရင်းမြစ်များ

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

2. Familjakro liil 22:9

Palle rodas lo o Ahasja. Un jon tapran les an o foro Samaria, kote khatras lo pes. Un jon anan les pash o Jehu. Kote maran le les. Un jon paskran les doleske, kai o Josafat leskro papo his. Kowa rikras pes peskro tselo djijeha ap o baro Debleste. Kanna his buder kek koi dran o Ahabeskri familja, kai doha soor an leste wals, te nai wals lo baro rai.

2. Familjakro liil 31:21

Un halauter, hoi job kras, te well koi budi an o Debleskro kheer jaake kerdo har glan tchinlo hi, kowa kras lo peskro tselo djijeha. Job rodas, te krell lo, hoi peskro Dewel lestar kamas. Doleske mukas o baro Dewel kowa leske mishto te djal.

Debleskri gili 119:10

Miro tselo djijeha rodau tut. Ma muk man te mukap tire laba.

Debleskri gili 119:145

O tselo djijeha dom me gole. Shun man, mo baro Dewel! Me kamau lauter te krell, hoi tu mandar kameh.

Debleskri gili 119:2

Har bachtelo hi kolla, kai jaake djiwenn, har job lenge sikras, un pengro tselo djijestar ap leste shunenn.

Debleskri gili 119:58

Miro tselo djijeha rodau me tiro kamlepen. Ab mange latches jaake har tu les penal.

Debleskri gili 119:69

Kol pre-phurde anan chochepen pre ap mande. Miro tselo djijestar krau me kowa, hoi tu menge penal.

Debleskri gili 145:18

O baro Dewel hi gar dur hakenestar, kai dell les an-gole, hakeneske, kai dell les an-gole an o tchatchepen.

Debleskri gili 32:6

Doleske mangenn tut lauter kolla an, kai tiro hi, an ko tsiro, kai taprell len i daar. Palle, te wenn i bare panja, nai taprenn le len gar.

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Jesaja 45:19

Me rakrom gar tchorchanes an i khatepen, kai kek shunell, un penom gar ap o Jakobeskre tchawende: Rodenn man tchitcheske! Me, o baro Dewel, rakrau o tchatchepen, un penau tumenge, hoi tchatcho hi.

Jesaja 65:10

Mire menshenge, kai putchenn pal mande, well i tala Sharon koi platsa, kai anenn le pengre bakre, un i tala Achor well koi platsa, kai atchenn pengre grumja.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

Jeremia 3:10

Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Jeremia 50:4

An kol diwessa un ap ko emligo tsiro, penell o baro Dewel, wenn kol menshe dran o them Israel, khetne kol menshentsa dran o them Juda un djan trujel o ropah, un rodenn man, pengro Debles.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Joel 2:12

“Ninna kanna”, penell o baro Dewel, “nai mukenn tumaro tchilatcho drom un wenn pash mande. Awenn tumaro tselo djijeha, chan tchi un rowenn, denn gole i bibachtjatar!

Mateo 7:7

Mangenn o Debles! Un o Dewel dell tumen! Rodenn les! Un tumer hatsenn les. Denn ap o wudar, un kowa well tumenge pre kerdo!

Bičepangre 8:36

Koi wan le pash o pani, un ko pralstuno penas: “Koi hi pani. Hi mange tchomone an o drom tchiddo, te mukap man te taufrell?”