Jeremia 28:14 - O Debleskro Drom 2021 (Sinte)

¹⁴ O baro Dewel, ko rai pral o bolepen un i phub, kai o Israeleskro Dewel hi, kowa penell: Me krau, te hunte budrenn i menshe an kal tsele themma o baro rajeske dran Babilonia, o Nebukadnezar. Leskro wast hi phares ap lende tchiddo har i saster, hoi o hacho trul o gurumeskri meen tchiwell. Ninna i viechen tchiwom an leskro wast.”

O Debleskro Lab 2024 (Sinte-Manouche)

¹⁴ O baro Devel, ko ray pral o bolepen oun i phoub, kay o Israeleskro Devel hi, kova penell: Me krau, te hounte boudrenn i menshe an kal tsele themma o baro rayeske dran Babilonia, o Neboukadnezar. Leskro vast hi phares ap lende čiddo har i saster, hoy o harho troul o gouroumeskri meen čivell. Ninna i firhen čivom an leskro vast.”

Jeremia 28:14 ပူးပေါင်းရင်းမြစ်များ

Jeremia 15:12

Kek nai phagell saster, saster un lolo saster dran ko them, hoi kote tchiddo hi, kai norden hi!

Jeremia 27:4

te penenn le lengre rajenge kau lab: Kowa hi, hoi penell o baro Dewel, ko rai pral o bolepen un i phub, koles o Israel an-mangell:

Jeremia 27:8

Kanna penau tumenge, te hunte krenn tumer, hoi kamell o baro rai dran Babilonia tumendar, jaake har hunte krell i gurum, koles i kasht trul leskri meen hi, kowa, hoi leskro rai kamell. Hako them peskre menshentsa, hoi kamell kowa gar te krell, koles dau i phagi. Leskre menshe hunte merenn an o kurepen, i bokatar un dran nasslepen, bis te mukau o Nebukadnezares ko them dren te lell.

Jeremia 40:4

Un kanna dik, me lau i shelle tutar tele, kai tire wasta pandan. Te kameh, un te hi tuke mishto, ab mantsa an o them Babilonia, ab un me dau garda ap tute. Te kameh gar te djas mantsa an o them Babilonia, palle nai mukeh les. Dik, o tselo them hi glan tute tchiddo; kai tu kameh un kai tuke mishto hi, kote nai djah tu tuke koi.

Ropaskre gilja 1:14

Ko bud tchilatcho koowa, hoi krom, hi phares ap mande tchiddo. O baro Dewel tchiwas les ap mire phika. Un me phagom khetne tel kowa. O baro Dewel das man an i wasta kolendar, kai nai wau kokres buder gar win.

Daniel 2:38

Un das an tiro wast i tsele themma, kai menshe djiwenna, ninna i viechen an o weesh un i tchirklen tel o bolepen. Un kras tut rai pral lende. Tu hal ko shero dran sonakai.

Hosea 10:11

O Efrajim his i terni grumni hoi budras mishto, te dell li o djob win. Har dikom lakro shukar meen, tchiwom lake i kasht pre, te dap lat i phareder budi: O Juda te witsrell i phub trujel, un o Jakob hunte krell i phub tchatcho.

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

5. Mose 4:20

Tumen las o baro Dewel dran o them Egiptia win, har dran i sasterno jagakro bob, jaake bud duka hunte lan kote ap tumende. Tumen las lo koi win, te wenn tumer leskre menshe, kai kokres leske koi hi, jaake har kowa ap kau diwes kate ninna hi.