Jeremia 28:1 - O Debleskro Drom 2021 (Sinte)

¹ An kau emligo bersh an o pantchto tchon an o starto bersh, har o Zedekja o baro rai pral Juda his, rakras o rakepaskro, o Hananja, ap mande. Leskro dad his o Asur. O Hananja his i rakepaskro dran Gibeon, kai das glan, kai leskre laba o baro Deblestar wenna. Job rakras ap mande, har homs an o baro Debleskro kheer. Un i rashaja un kol wawar menshe, kai ninna koi his, shunan, har job mange penas:

O Debleskro Lab 2024 (Sinte-Manouche)

¹ An kava emligo bersh an o pančto čon an o starto bersh, har o Sedekya o baro ray pral Youda his, rakras o rakepaskro, o Hananya, ap mande. Leskro dad his o Asur. O Hananya his i rakepaskro dran Gibeon, kay das glan, kay leskre laba o baro Deblestar venna. Yob rakras ap mande, har homs an o baro Debleskro kheer. Oun i rashaya oun kol vavar menshe, kay ninna koy his, shounan, har yob mange penas:

Jeremia 28:1 ပူးပေါင်းရင်းမြစ်များ

1. Rajengro liil 3:4

I diwes was, kai djas o baro rai Salomo an o foro Gibeon, te marell lo kote viechen o Debleske. Koi platsa his i feteder platsa, kai chatchran le viechen o Debleske. An o tselo tsiro his jaake jek sero viechen, hoi o Salomo kote ap koi chatchepaskri o Debleske chatchras.

2. Rajengro liil 24:18

Biish-te-jek bersh his o Zedekja, har lo baro rai was; un deesh-te-jek bersha his lo baro rai an o foro Jerusalem. Leskri dai kharas Hamutal. Lakro dad his o Jirmeja dran Libna.

2. Familjakro liil 36:11

Biish-te-jek (21) bersh his o Zedekja, har lo baro rai was; un deesh-te-jek (11) bersha his lo baro rai an o foro Jerusalem.

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Jeremia 27:1

Kawa hi ko lab, hoi penas o baro Dewel ap o Jeremia. Kowa his i tikno tsiro palla, kai was o Zedekja, koleskro dad o Josia his, o baro rai pral o them Juda.

Jeremia 27:12

Un me penom kal tsele laba ap o baro rajeste pral o them Juda, o Zedekja, un penom leske ninna: Te kamenn tumer djido te atchell, krenn, hoi o baro rai dran Babilonia tumendar kamell, un mukenn les un leskre menshen o rai pral tumende te well!

Jeremia 27:3

Man hi i lab kol bare rajenge pral i themma Edom, Moab, Ammon, Tirus un Sidon. Lengre bitchepangre hi an Jerusalem pash o baro rajeste Zedekja. Muk lenge te penell,

Jeremia 28:11

Un o Hananja penas glan i tsele menshende, kai kote his: “Kowa penell o baro Dewel: Jaake phagau i soor o baro rajestar Nebukadnezar dran Babilonia khetne, glan dui bersha trujel hi, un lau i tsele themma dran leskre wasta win.” Un o Debleskro rakepaskro o Jeremia djas peske.

Jeremia 28:17

Un o Hananja meras an kau emligo bersh an o eftato tchon.

Jeremia 28:5

Koi rakras o Debleskro rakepaskro, o Jeremia ap o rakepaskro, o Hananja. Un i rashaja un i tsele menshe, kai an o Debleskro kheer tardo hi, shunan, har lo penas:

Jeremia 29:15

Tumer penenn, kai o baro Dewel das tumen peskre rakepangre ninna an o them Babilonia. –

Jeremia 36:12

Un sik djas lo an o baro rajeskro kheer, kote, kai i pralstune khetne beshdo his: o tchinepaskro Elishama, kai i lila tchinas, o Delaja, koleskro dad o Shemaja his, o Elnatan, koleskro dad o Achbor his, o Gemarja, koleskro dad o Shafan his, o Zidkija, koleskro dad o Hananja his, un kol wawar pralstune.

Jeremia 37:13

Har job pash o Benjamineskro Wudar was, his kote i lurdo, kai das garda, koon dren te win nashella. Kowa kharas Jirija, leskro dad his o Shelemja, koleskro dad his o Hananja; o Jirija das garda ap ko wudar, un rikras o Jeremijes peske wastentsa pre, un penas: Tu kameh pash i Babilonarja wergel te nashell.

Jeremia 37:19

Kai hi kanna tumare dikepangre, kai penan tumenge glan-wi, te well o baro rai dran o them Babilonia gar pral tumende, un witar gar pral kau tselo them?

Jeremia 49:34

Kawa hi ko lab, hoi penas o baro Dewel ap peskro rakepaskro, o Jeremia, pral o them Elam. Kowa his i tikno tsiro palla, kai was o Zedekja o baro rai pral o them Juda.

Jeremia 51:59

Kal tsele laba, kai penenn, hawi bibacht pral o foro Babilon well, tchinas o Debleskro rakepaskro, o Jeremia, an i liil. Kau liil das lo i mursheste, kowa kharas Seraja. Leskro dad his o Nerija, koleskro dad his o Machseja. Kowa his an ko tsiro, har o Zedekja an o starto bersh baro rai pral o them Juda his, un an o foro Babilon djas. O Seraja djas leha. Un an leskro wast his, te dikell lo, kai lauter mishto djas ap o drom.

Ezekiel 13:6

Lengro dikepen hi tchi-moldo. Un lengro durkepen hi chochepen. Ninna te bitchras len gar o baro Dewel, penenn le ‘Jaake penas o baro Dewel’, un lurenn pre, te well kowa, hoi jon glan-wi penan.

Hosea 7:3

Pengro tchilatchepah krenn le o baro rajes bachtelo, un pengro chochepah i pralstunen.

Josua 10:12

Ap ko diwes, kai o baro Dewel i Amorarjen an o Israeleskro wast das, rakras o Josua o baro Debleha un kharas win glan i Israelitarja: “Kham, atch tardo pral o foro Gibeon! Un tu, tchon atch tardo an i tala Ajalon!”

Josua 9:3

Har shunan i menshe, kai an o foro Gibeon djiwenn, hoi o Josua kolentsa kras, kai an i forja Jericho un Ai djiwan,