Jeremia 27:9 - O Debleskro Drom 2021 (Sinte)

⁹ Ma shunenn ap tumare chochene rakepangre un ap i durkepangre, witar gar ap kolende, kai sikrenn, hoi sunja penenn, witar gar ap kolende, kai krenn bengeskro koowa un kai putchenn i mulen. Kolla lauter penenn tumenge, te hunte krenn gar, hoi o baro rai pral Babilonia tumendar kamell.

O Debleskro Lab 2024 (Sinte-Manouche)

⁹ Ma shounenn ap t'mare rhorhene rakepangre oun ap i dourkepangre, vitar gar ap kolende, kay sikrenn, hoy sounya penenn, vitar gar ap kolende, kay krenn bengeskro koova oun kay poučenn i moulen. Kolla lauter penenn t'menge, te hounte krenn gar, hoy o baro ray pral Babilonia t'mendar kamell.

Jeremia 27:9 ပူးပေါင်းရင်းမြစ်များ

2. Mose 22:18

Hakeno, hoi i viecheha sowell, hunte merell.

2. Mose 7:11

Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

Gosewe laba 19:27

Miro tchawo, te mukeh tuke tchi buder te penell, palle djineh tu sik buder gar, hoi tchatcho hi.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

Jeremia 14:14

O baro Dewel penas ap mande: Kol rakepangre rakran chochepen an miro lab. Me bitchrom len gar. Un me penom lenge tchi, hoi te krenn le, un rakrom lentsa witar gar. Jon rakrenn pral kowa, hoi dikan le, – kowa was gar mandar. Un kowa, hoi le glan-wi penan, hi chochepen un durkepen, un hi tchi moldo un well dran lengre djia.

Jeremia 23:16

Kowa penell o baro Dewel, ko rai pral o bolepen un i phub: Ma shunenn ap i laba, hoi kol rakepangre penenn! Jon chochenn tumen, un rakrenn pral dikepen, hoi well dran lengre djia un gar o baro Deblestar.

Jeremia 23:25

Me shunom mishto, hoi kal rakepangre rakrenn, har penenn jon chochepen glan-wi un penenn: ‘Kowa well o baro Deblestar. Me dom les suni. An i suni penas o Dewel kowa mange.’

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

Jeremia 29:8

O baro Dewel, ko rai pral o bolepen un i phub, kai o Israeleskro Dewel hi, kowa penell: Ma mukenn tumen te chochell kolendar, kai penenn glan-wi, hoi wella: kol rakepangre, kai pash tumende hi, un kol durkepangre. Ma shunenn ap lengre sunja!

Ezekiel 21:29

Doleske penell o baro Dewel, maro rai: Tumari doosh was diklo. Tumare tchilatche dromma wan pre-tchakedo. An halauter, hoi krenna, well tumaro tchilatchepen diklo. Tumer kran, te well tumari doosh gar bistedo. Doleske wenn tapedo i sorelo wasteha.

Daniel 4:7

“Kawa hi koi suni, hoi dikom, har homs ap miro tchiben tchiddo: I baro ruk his tardo mashkral ap kai phub.

Micha 3:7

Un i dikepangre hunte ladjenn pen, un i durkepangre wenn sapaske. Kek lab o Deblestar hi pash lende. I ladjatar hunte rikrenn le halauter i diklo glan pengro mui.

Zakarie 10:2

Ma putchenn i khereskre deblen! Kowa, hoi jon rakrenn, hi dinelo koowa. Ma djan pash i durkepangre! Kowa, hoi jon glan-wi penenna, hi chochepen. Lengre sunja hi tchi moldo. Lengre latche laba hi gar tchatcho. Doleske nashrenn pen i menshe har bakre, kolen kek bakrengro hi, un kai merenna.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Bičepangre 8:11

Peskro durkepah tserdas lo len lauter ap peste. Doleske rikran jon bud lestar.

Efesarja 5:6

Ma patsenn kekes, kai penell tumenge, te nai krenn kowa lauter! Koon kowa penella, hi i chocheno. O Debleskri choli well ap kolende, kai gar ap o Debleste shunenna, un krenna sawo tchilatcho koowa.

5. Mose 13:2

Te stell mashkral tumende i rakepaskro pre, kai penell, te hi les i lab o Deblestar, oder i wawar, koles sunja hi, un job penell i debleskro sikepen oder i baro koowa glan-wi,

5. Mose 18:14

Kol menshe, kolengro them tumer dren lenna, kolla shunenn ap drawepangre un durkepangre. Tumenge penas tumaro baro Dewel, te krenn kowa gar.

Josua 13:22

Mank kolende, kolen i Israelitarja o chareha maran, his ninna ko durkepaskro, o Bileam, koleskro dad o Beor his.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.

Debleskro tsiro 9:21

Un jon mukan gar pengro bengeskro koowa un pengro wi-ladjedo koowa, un mukan gar tele te marell un te tchorell.