Jeremia 27:15 - O Debleskro Drom 2021 (Sinte)

¹⁵ O baro Dewel penell lendar: Me bitchrom len gar. Jon penenn, te wenn lengre laba mandar. Kowa hi chochepen. Te patsenn tumer lenge, tradau tumen win, un tumer wenn maredo khetne kol chochene rakepangre.

O Debleskro Lab 2024 (Sinte-Manouche)

¹⁵ O baro Devel penell lendar: Me bičrom len gar. Yon penenn, te venn lengre laba mandar. Kova hi rhorhepen. Te patsenn t'mer lenge, tradau t'men vin, oun t'mer venn maredo khetne kol rhorhene rakepangre.

Jeremia 27:15 ပူးပေါင်းရင်းမြစ်များ

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Jeremia 14:14

O baro Dewel penas ap mande: Kol rakepangre rakran chochepen an miro lab. Me bitchrom len gar. Un me penom lenge tchi, hoi te krenn le, un rakrom lentsa witar gar. Jon rakrenn pral kowa, hoi dikan le, – kowa was gar mandar. Un kowa, hoi le glan-wi penan, hi chochepen un durkepen, un hi tchi moldo un well dran lengre djia.

Jeremia 20:6

Un tu, Pashur, weh tapedo khetne kolentsa, kai pash tute an o kheer hi, un pandles an Babilonia anlo. Kote hunte meress un weh paskedo tire tsele malentsa, kai ginal lenge chochepen dren.

Jeremia 23:15

Doleske penell o baro Dewel, ko rai pral o bolepen un i phub, pral lende: Kol rakepangre an Jerusalem kran, te kamenn i menshe an o tselo them tchi buder mandar te djinell. Doleske dau me kal rakepangren chapen te chal un pani te pijell, hoi krell len nasselo.

Jeremia 23:21

[O baro Dewel penell:] Ninna te bitchrom me kal rakepangren gar, nashenn le pash tumende. Ninna te rakrom gar lentsa, penenn le laba glan-wi.

Jeremia 23:25

Me shunom mishto, hoi kal rakepangre rakrenn, har penenn jon chochepen glan-wi un penenn: ‘Kowa well o baro Deblestar. Me dom les suni. An i suni penas o Dewel kowa mange.’

Jeremia 27:10

Kal menshe penenn tumenge chochepen. Te patsenn tumer lenge, wenn tumer dran tumaro them krik anlo. Me tradau tumen mandar krik, un tumer merenna.

Jeremia 29:8

O baro Dewel, ko rai pral o bolepen un i phub, kai o Israeleskro Dewel hi, kowa penell: Ma mukenn tumen te chochell kolendar, kai penenn glan-wi, hoi wella: kol rakepangre, kai pash tumende hi, un kol durkepangre. Ma shunenn ap lengre sunja!

Jeremia 29:9

Jon rakrenn chochepen an miro lab. Me bitchrom len gar, penell o baro Dewel.

Jeremia 38:22

Me dikom, har wan i tsele djuwja, kai pral atchan an tiro kheer win anlo pash i pralstunende o baro rajestar dran o them Babilonia. Kol djuwja penenn tuke palle: “Tire mala, kai tuke penan ‘lauter hi mishto’, rakran jaake bud an tute dren, te kral tu i dinelo koowa. Kanna, kai tire pire an i sapeni tchik hi, mukenn jon tut kokres.”

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.