Jeremia 26:21 - O Debleskro Drom 2021 (Sinte)

²¹ Har shunas o baro rai Jojakim un leskre lurde un pralstune, hoi o Uria rakras, kamas o baro rai les te marell mukell. Un o Uria shunas kowa, daras un nashas peske un was an o them Egiptia.

O Debleskro Lab 2024 (Sinte-Manouche)

²¹ Har shounas o baro ray Yoyakim oun leskre lourde oun pralstoune, hoy o Ouria rakras, kamas o baro ray les te marell moukell. Oun o Ouria shounas kova, daras oun nashas peske oun vas an o them Egiptia.

Jeremia 26:21 ပူးပေါင်းရင်းမြစ်များ

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

Debleskri gili 119:109

Miro djipen hi hako tsiro gar dur o merepastar. Tiro drom bistrau me gar.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Jeremia 26:10

Har shunan i pralstune pral Juda, hoi kate djas, wan le dran o baro rajeskro kheer, un djan pre an o baro Debleskro kheer un beshan pen tele pash o Newo Wudar, te rakrenn le o tchatchepen pral leste win.

Jeremia 36:26

Job penas ap peskro tchaweste, o Jerachmeel un ap o Seraja, koleskro dad o Asrijel his, un ap o Shelemja, koleskro dad o Abdeel his, te tapenn le o tchinepaskres, o Baruch, un o Debleskro rakepaskres, o Jeremia. Kolen khatras o baro Dewel. Doleske hatsan le len gar.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Mateo 10:23

Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 10:39

Koon kamell peskro djipen te rikrell, kowa nashrell les. Koon peskro djipen mange nashrella, kowa lell les pale.

Mateo 14:5

Job marals les, te wans gar kol bud menshe koi, kai patsan, te hi o Johanni i Debleskro rakepaskro. Kolendar daras o Herodes.

Markus 6:19

Un i Herodia his chojedo ap o Johanneste un kamas les te marell, un joi kras les nashte gar.