Jeremia 26:2 - O Debleskro Drom 2021 (Sinte)

² Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

O Debleskro Lab 2024 (Sinte-Manouche)

² Kova hi, hoy me, o baro Devel, touke penau: Dja ap i glanstouni platsa glan miro baro kheer, oun rake ap kol tsele menshende, kay van dran i tsele forya dran o them Youda, te mangenn le man an. Pen lenge i tsele laba, hoy touke penom. Ma mouk čomone krik!

Jeremia 26:2 ပူးပေါင်းရင်းမြစ်များ

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

Jeremia 1:7

O baro Dewel penas ap mande: Pen gar: Me hom gar phuro doha! Tu hunte djas, kai me tut bitchrau. Un pen halauter, hoi me tuke penau.

Jeremia 19:14

Un o Jeremia djas pale dran Tofet, kai bitchras les o baro Dewel koi, te penell job o Debleskre laba. Un djas ap koi glanstuni platsa glan o baro Debleskro kheer, un penas ap i tsele menshende:

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Jeremia 25:2

Un o Debleskro rakepaskro, o Jeremia, penas kau lab i tsele menshenge an o them Juda un an Jerusalem. Un job penas lenge:

Jeremia 28:5

Koi rakras o Debleskro rakepaskro, o Jeremia ap o rakepaskro, o Hananja. Un i rashaja un i tsele menshe, kai an o Debleskro kheer tardo hi, shunan, har lo penas:

Jeremia 36:10

Un o Baruch draweras dran ko liil o Jeremijeskre laba glan i menshende an o baro Debleskro kheer. Job his tardo an koi isema ko murshestar Gemarja, koleskro dad o Shafan his. Kowa his o tchinepaskro, kai i lila tchinas. Leskri isema his ap i pralstuni platsa pash o newo wudar o baro Debleskro kherestar.

Jeremia 42:4

Un o Jeremia, penas ap lende: Mishto, me shunau ap tumende, un mangau tumaro baro Deblestar, har tumer penan. Un lauter, hoi o baro Dewel penell, penau tumenge dureder. Un me rikrau tumenge tchi pale, hoi job mange penell.

Jeremia 7:2

Dja un tchip tut an ko wudar o baro Debleskro kherestar, un pen i menshenge kal laba: Tumer lauter dran o them Juda, kai djan kate dren, te mangenn o baro Debles an, shunenn o baro Debleskro lab!

Jeremia 7:27

Te peneh tu, Jeremia, lenge kowa lauter, shunenn jon gar ap tute. Te deh tu len gole, penenn jon tchi koi pre.

Ezekiel 3:10

Un pale penas job ap mande: Tu, mensho, mire tsele laba, hoi me tuke penau, de jak ap lende, un le len an tiro dji!

Ezekiel 33:7

Tu, mensho, tut rodom win, te dess jak ap o kheer Israel. Te shuneh i lab dran miro mui, hunte peness kowa lenge, te djinenn le, hoi kamau me pral lende te anell.

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Louka 19:47

Hako diwes djas o Jesus an o Debleskro baro kheer un sikras i menshende o Debleskro drom. I bare rashaja, i biboldengre tchatchepangre un i wawar pralstune rodan i drom, te marenn le les.

Johanni 18:20

O Jesus penas ap leste: “Me rakrom glan i tsele menshende jaake, kai hakeno kowa nai shunas. Hako tsiro rakrom an i biboldengri kangri un an o Debleskro baro kheer, kai i tsele bibolde khetne wan. Me penom tchi tchorchanes.

Johanni 8:2

O wawar diwes taissarlake was job pale an o Debleskro baro kheer. Un i tsele menshe wan pash leste. Un job beshas pes tele, un penas lenge o Debleskro lab.

Bičepangre 20:20

Man his kek daar, te penap tumenge o tselo tchatchepen, har me tumende o Debleskro drom sikrom. Un me penom o Debleskro lab an tumare khera.

Bičepangre 20:27

Me mukom gar tele, te penap tumenge halauter, hoi o Dewel tumenge kras.

Bičepangre 5:25

Koi was jek un penas lenge: “Kol mursha, kai tumer stildo tchiwan, hi an o Debleskro baro kheer tardo, un penenn i menshenge o Debleskro lab.”

Bičepangre 5:42

Jon mukan gar tele, te penenn le o latcho lab o Jesus Kristestar. Hako diwes djan le an o Debleskro baro kheer un pash i menshende an i khera, un sikran len o Jesuseskro drom.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.

Debleskro tsiro 22:19

Un te lell jek tchomone krik kal labendar, kai hi tchinlo an kau liil, palle lell o Dewel leskro chapen krik ko rukestar, hoi della o djipen. Ninna nai djal job gar an o Debleskro foro dren, pral hoi tchinom an kau liil.