Jeremia 26:19 - O Debleskro Drom 2021 (Sinte)

¹⁹ Har o Micha kowa glan-wi penas, mukas les o baro rai Hiskija un kol menshe an Juda te marell? Na-a! Jon lan o baro Debleskre laba ap o dji un mangan lestar, te marell lo len gar. Un o baro Dewel rikras pes pale un bitchras gar koi bibacht pral lende, kolatar job rakras. Un kanna, te marah mer o Jeremijes, anah i bari bibacht ap mende!”

O Debleskro Lab 2024 (Sinte-Manouche)

¹⁹ Har o Mika kova glan-vi penas, moukas les o baro ray Hiskiya oun kol menshe an Youda te marell? Na-a! Yon lan o baro Debleskre laba ap o dji oun mangan lestar, te marell lo len gar. Oun o baro Devel rikras pes pale oun bičras gar koy bibarht pral lende, kolatar yob rakras. Oun kanna, te marah mer o Yeremiyes, anah i bari bibarht ap mende!”

Jeremia 26:19 ပူးပေါင်းရင်းမြစ်များ

2. Samuel 24:16

Har sikras ko bolepaskro peskro wasteha ap o foro Jerusalem, te well ko nasslepen koi, khaitas o baro Debles koi bibacht. Un job penas ap ko bolepaskro, kai anas o merepen pral i menshende: “Kanna hi doha! Le tiro wast lendar krik!” O Debleskro bolepaskro his tardo ap koi djobeskri platsa o murshestar Arauna. Kowa his i Jebusari.

2. Familjakro liil 32:20

Un o baro rai, o Hiskija, un o Debleskro rakepaskro, o Jesaja, koleskro dad o Amoz his, dan gole ap o baro Debleste an o bolepen, te well lo lenge ap i rig.

2. Familjakro liil 34:21

“Djan koi un putchenn o baro Debles mange un i menshenge dran Israel, kai pral atchan, un kolenge an o them Juda, pral kol laba an ko liil, hoi hatslo was. Mare phure shunan gar ap o baro Debleskre laba, un djiwan gar jaake, har dren tchinlo hi an kau liil. Doleske hi o baro Debleskri choli bares ap mende tchiddo.”

2. Mose 32:14

Koi rikras pes o baro Dewel pale un mukas gar koi bari bibacht pral peskre menshende te well.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Jesaja 37:1

Har o baro rai Hiskija kowa shunas, kras lo peskre koola paash un riwas i gono ap peste, un djas an o baro Debleskro kheer.

Jesaja 37:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!”

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 26:3

Te peneh lenge halauter, nai well, te denn le jak ap kowa, un djan tele hakeno peskro tchilatcho dromestar. Palle rikrau man tele, te anap koi bibacht pral lende, hoi kamom ap lende te anell ko tchilatchepaske, hoi jon kran.

Jeremia 44:7

Doleske penell o baro Dewel, ko rai pral o bolepen un i phub, kai o Israeleskro Dewel hi: Hoske krenn tumer sawo tchilatchepen ap tumende kokres? Kamenn tumer, te merenn tumare menshe win: mursha un djuwja, tchawe un ternepen? Un tchi atchell pral tumendar, kai wan dran o them Juda?

Amos 7:3

Koi khaitas kowa o baro Debles, un job penas: “Mishto, kowa well gar jaake!”

Habakuk 2:10

An tiro dji his, te maress i menshen an bud themma. Kowa hoi tuke glan lal, anell i ladj pral tiro kheer, un tu weh maredo.

Zakarie 7:2

Glan kau tsiro bitchran i menshe an o foro Betel murshen pash o kheer o baro Deblestar, kai hi o rai pral o bolepen un i phub, te mangenn le lestar leskro latchepen. Kal mursha his o Sharezer un o Regem-Melech peskre murshentsa. Jon te putchenn kote ninna i rashajendar un o Debleskre rakepangrendar: “Hunte kras mer dureder, te chas tchi o Debleske un rowas an o pantchto tchon har kram jaake bud bersha?”

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Bičepangre 5:39

Te hi ko koowa o Deblestar, palle nai phagenn les gar. Denn jak, te tchingrenn tumer gar ap o Debleste.” Un jon shunan ap o Gamalijel.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”