Jeremia 26:15 - O Debleskro Drom 2021 (Sinte)

¹⁵ Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

O Debleskro Lab 2024 (Sinte-Manouche)

¹⁵ Djinenn! Te marenn man, marenn t'mer yekes, kay kek doosh ap leste hi, oun anenn miro rat ap t'mende oun ap kava foro oun kolende, kay dren djivenn. Čačepah, o baro Devel bičras man pash t'mende, te penap kava lauter glan t'mare kanda.”

Jeremia 26:15 ပူးပေါင်းရင်းမြစ်များ

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

1. Mose 42:22

Un o Ruben penas ap lende: “Penom me gar ap tumende: Ma krenn tchilatchepen o tchaweske? Tumer shunan gar. Kanna well leskro rat ap mende.”

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

2. Familjakro liil 24:22

Un o Joash bistras har bud latchepen o Jojada ap leste kras, koleskro tchawo o Secharja his, koles job mukas te marell. Har o Secharja meras, penas lo: “O baro Dewel dikell kowa, un job dell pale pale, hoi le ap mande kran.”

Gosewe laba 6:16

Shob koowa hi, ap kolende dikell o baro Dewel chojedes; un i eftato koowa hi leske o djungleder:

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 2:34

Ninna hatsan le ap tire koola o rat i tchorwelendar, kai kran kek tchilatchepen, un kai tu gar koi pashel tapral, kai phagan le an tiro kheer dren. Ninna te kral tu kowa lauter,

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 26:12

O Jeremia penas ap i pralstunende un i wawar menshende: “O baro Dewel bitchras man, te penap kowa lauter glan-wi, hoi shunan tumer man te penell pral kau kheer un pral kau foro.

Jeremia 30:1

Kowa penas o baro Dewel ap o Jeremia:

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

4. Mose 35:33

Ma krenn ko them pale-tchiddo, kai djiwenn! Pale-tchiddo well ko them dran o rat, hoi ratell, te well jek maredo. Kokres ko rateha kolestar, kai maras jekes, nai well o them pale djudjo.

Mateo 26:25

Un o Judas, kai ap leste phukrell kamell, putchas lestar: “Sikepaskro, hom me kowa?” Penas o Jesus: “Awa, tu hal kowa.”

Mateo 26:4

Un jon rodan i drom, har nai taprans le o Jesuses tchorchanes, te marenn le les.

Bičepangre 7:60

Un job peras ap i phub tele, un das pale gole: “Rai, le koi doosh lendar!” Har job kowa penas, meras lo.

5. Mose 19:10

Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”