Jeremia 26:12 - O Debleskro Drom 2021 (Sinte)

¹² O Jeremia penas ap i pralstunende un i wawar menshende: “O baro Dewel bitchras man, te penap kowa lauter glan-wi, hoi shunan tumer man te penell pral kau kheer un pral kau foro.

O Debleskro Lab 2024 (Sinte-Manouche)

¹² O Yeremia penas ap i pralstunende oun i vavar menshende: “O baro Devel bičras man, te penap kova lauter glan-vi, hoy shounan t'mer man te penell pral kava kheer oun pral kava foro.

Jeremia 26:12 ပူးပေါင်းရင်းမြစ်များ

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 26:2

Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

Ezekiel 21:7

Tu, mensho, dik kote, kai o foro Jerusalem hi! Rake kolestar, hoi djal o khereske, kai well o Dewel an-mangedo! Un pen i menshenge an o them Israel, hoi pral lende wella!

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Bičepangre 4:19

O Petro un o Johanni penan ap lende: “Penenn menge, hi kowa mishto glan o Debleste, te shunas mer budeder ap tumende har ap o Debleste?

Bičepangre 5:29

O Petro un i wawar Jesuseskre bitchepangre penan: “Mer hunte shunas ap o Debleste budeder har ap i menshende.