Jeremia 25:25 - O Debleskro Drom 2021 (Sinte)

²⁵ i tsele bare raja an i themma Simri, Elam un Media;

O Debleskro Lab 2024 (Sinte-Manouche)

²⁵ i tsele bare raya an i themma Simri, Elam oun Media;

Jeremia 25:25 ပူးပေါင်းရင်းမြစ်များ

1. Mose 10:22

Kolla hi i tchawe o Semestar: o Elam, o Assur, o Arpaksad, o Lud, un o Aram.

1. Mose 14:1

An ko tsiro his i kurepen. Star bare raja kuran pen pantch forjengre rajentsa. Kolla bare raja his: o Amrafel, ko baro rai pral o them Shinar, o Arjoch, ko baro rai pral o them Ellasar, o Kedor-Laomer, ko baro rai pral o them Elam, o Tidal, ko baro rai pral o them Gojim.

1. Mose 25:2

Un joi anas leske tchawen ap i phub. Kolengre laba hi: Simran, Jokshan, Medan un Midian, Jishbak un Shuach.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 13:17

Me, o baro Dewel, dau i menshenge an o them Media an o dji, te djan le ap kolende pre an o them Babilonia. Kolla denn tchi ap rup, un putchenn gar pal o sonakai.

Jesaja 21:2

Hawo pharo koowa was mange siklo! O phukepaskro phukrella, un o randepaskro randella. Tumer lurde dran i themma Elam un Media, krenn tumen ap o drom, un tchiwenn tumen pre trul lo foro Babilon. O baro Dewel krell, te hunte rowell buder kek pral kowa, hoi i Babilonarja kran.

Jesaja 22:6

I lurde dran o them Elam hidjrenn pengre gone i failentsa, un wenn ap wurdja i grajentsa. Lurde dran o them Kir rikrenn pengre shilte an i wasta.

Jeremia 51:11

I Babilonarja kran o baro Debleskro kheer paash. Doleske las pes o baro Dewel glan, te phagell lo o foro Babilon tele. Job das i rajende dran o them Media bud soor an lende, te djan le ap o foro Babilon pre. Tchinenn tumare faile! Lenn tumare sasterne betcheskre patria an o wast!

Jeremia 51:28

Denn i rajen pral i wawar themma gole, te djan le an o kurepen o foreha Babilon, kol bare rajen dran o them Media, lengre themeskre rajen un kol wawar pralstunen, ninna kol tsele lurden an kol themma, kai jon penepaske hi.

Ezekiel 32:24

Kote hi o Elam peskre tsele menshentsa. Trul leste trujel hi le paskedo. Jon halauter wan maredo o chareha, un djan tele an o mulengro them, kolla, kai gar tchinlo wan ap pengro mass. Har le djido his, his i wawaren bari daar lendar. Kanna hunte hidjrenn le pengri ladj khetne kol wawarentsa an o mulengro them.

Daniel 5:28

‘Peres’ kharell ‘paash tchinlo’. Tiro them well an dui kotja un well ap i Medarja un i Persarja dino.”

Daniel 8:2

An miri suni homs an o sorelo kheer an o foro Susa an o them Elam, pash o lengsto pani Ulai.

Bičepangre 2:9

Mer wah dran i themma Partia, Media, Elam, Mesopotamia, Judea, Kappadocia, Pontus, Asia, Frigia, Pamfilia, Egiptia, dran o foro Kirene, kai hi an o them Libia, un ninna dran o foro Rom.