Jeremia 25:23 - O Debleskro Drom 2021 (Sinte)

²³ i menshe an i forja Dedan, Tema, un Bus; i menshe, kai tchinenn pengro bal tiknes;

O Debleskro Lab 2024 (Sinte-Manouche)

²³ i menshe an i forya Dedan, Tema, oun Bouz; i menshe, kay činenn pengro bal tiknes;

Jeremia 25:23 ပူးပေါင်းရင်းမြစ်များ

1. Mose 10:7

I menshe, kai wan pal o Kush, hi: o Seba, o Hawila, o Sabta, o Ragma, un o Sabteka. I menshe, kai wan pal o Ragma hi: o Seba un o Dedan.

1. Mose 22:21

O phureder kharell Uz, o duito hi o Bus, un o triinto hi o Kemuel, kolestar i Aramarja wenna.

1. Mose 25:15

o Hadad, o Tema, o Jetur, o Nafish un o Kedema.

1. Familjakro liil 1:30

o Mishma un o Duma, o Massa, o Hadad, un o Tema,

Hiob 6:19

Mursha pengre khamelentsa wenn dran Tema un Saba un rodenn kal panja.

Jeremia 49:28

Laba pral i menshende an Kedar un pral o them Hazor, hoi o Nebukadnezar, ko rai pral o them Babilonia, peskre lurdentsa dren las. Kawa penell o baro Dewel ap i Babilonarja: Djan an o kurepen i menshentsa an Kedar! Un marenn kolen, kai djiwenn kote, kai o kham pre djal!

Jeremia 49:32

Lenn tumenge lengre khamele un lengre bud viechen! Kolla, kai lengro baal trul o shero tele tchinenn, kolen tradau ap hake rigja. Haki rigjatar anau bibacht pral lende. Kowa penell o baro Dewel.

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Jeremia 49:8

Tumer menshe an o foro Dedan! Nashenn tumenge sik, khatrenn tumen tele an i phub! Me anau i bibacht pral kolende, kai wenn pal o Esau, Kanna dau len pengri phagi.

Jeremia 9:25

kol menshe an i themma Egiptia, Juda, Edom, Ammon un Moab, un lauter kolla, kai tchinenn pengre balla trujel tele, un djiwenn an o mulo tato them. Ninna te hi jon un i tsele Israelitarja tchinlo ap pengro mass, djiwenn le, har te wans le gar tchinlo.

Ezekiel 25:13

Doleske penau me, o baro Dewel, tumaro rai: Me hadau miro wast, te dap o them Edom peskri phagi. Menshe un vieche wenn mulo dino. Kek atchell djido an o tselo them mank kol forja Teman un Dedan. I tsele menshe merenn an o kurepen.

Ezekiel 27:15

I parepangre dran Rhodos wan pash tute. Un bud menshe, kai djiwan ap panjeskre themma paran tuha, un anan elefantikro dand un kutch kalo kasht, koleha plaissran le.

Ezekiel 27:20

I menshe dran Dedan paran ninna tuha, un dan tuke plachte, kai i klissepangre pre beshenn.